"Real Madrid" klubi sobiq futbolchisi Ronaldo yangi tashkil qilinishi rejalashtirilgan va turli bahslarga sabab bo'lgan Superliga haqida gapirdi.
"Valyadolid" prezidenti sifatida La Liga o'z jozibasi va kuchini yo'qotishini xohlamagan bo'lardim. Lekin, Superliga tashkil qilinsa ham, bunday bo'ladi deb o'ylamayman.
Men uchun mahalliy chempionatlar futbol asosiligicha qoladi. Oddiy insonlar har hafta oxirida futbolga borishadi, yillik obunalar sotib olishadi. Futbol insonlar hayotining bir qismidir.
Superliga yomon fikr emas. Muxlislar "Real" va "Milan", PSJ va "Man Siti" kabi klublar o'rtasidagi o'yinlarni ko'rishni istashadi. To'g'ri, qarshiliklar etarlicha bo'ldi. SHunchaki, ular bu loyiha falsafasini to'g'ri etkazib bera olishmadi. Bizning sohada dialog etishmaydi. Ikki tomon uchrashib, ushbu masala haqida gaplashib olishlari va bir kelishuvga erishishlari lozim", -deydi Ronaldo.
Bosh sahifaga
245