Jaxon chempionati 1/8 finali doirasidagi O'zbekiston - Eron o'yinidan oldin, termamiz futzalchisi Dilshod Rahmatov o'z fikrlari bilan o'rtoqlashdi.
"Tarixda birinchi marta jahon chempionati guruh bosqichidan chiqishni uddaladik. SHu bilan birga, Eron termasiga ham jaxon chempionatida birinchi marta to'qnash kelyapmiz. Biz necha yillardan mag'lubiyatga uchrab kelayotgan bo'lsak, ushbu natijalar uchun ertaga revansh olish niyatidamiz. O'zimizda ishtiyoq juda katta, chunki Tailandda o'tkazilgan o'yinda ham 7:5 hisobida mag'lub bo'lgandik. O'shanda ham, himoyada xatolar bo'lgandi. Murabbiylar o'sha o'yindagi xatolarning takroriy vaziyatlarini bizga qo'yib berishdi. O'ylaymanki, xatolarga iloji boricha kam yo'l qo'yishimiz lozim. Ertangi o'yinga biz 100% emas, 200% tayyormiz deb ayta olaman", -deydi Dilshod Rahmatov.
Eslatib o'tamiz, O'zbekiston - Eron termalari o'rtasidagi o'yin 24 sentyabr kuni 19:30da start oladi.
Bosh sahifaga
251