Anasxon Rahmatov Eronga qarshi o'yin oldidan nimalar dedi?

Mazkur o'yin oldidan terma jamoamiz etakchi futbolchisi Anasxon Rahmatov bilan suhbatlashdik.

- Eronga qarshi tayyorgarlik juda yaxshi bo'lmoqda, - deya gap boshladi Rahmatov. Ularning kamchiligi va kuchli tomonlarini yana bir marotaba ko'rib chiqdik va shunga yarasha tayyorgarlikni olib bordik. Eronga qarshi o'tkazilgan avvalgi bahslarda o'zimizda xatolar ko'p bo'lgan. O'sha kamchiliklarimizni bartaraf qilish ustida ishladik.

- Mazkur o'yindan nimalar kutmoqdasiz?

- Avvalgi intervyularda aytib o'tganimdek, bizni faqat va faqat g'alaba qoniqtiradi. Boz ustiga, Eron bilan noxush ananamiz bor. Bugungi o'yinda shunga barham bermoqchimiz. Xalqimiz va oila azolarimz bizni qo'llab-quvvatlashda davom etishsa, Eronni ham mag'lubiyatga uchrata olamiz.

- Eron jamoasi bilan Tailandda o'tkaizlgan turnirda o'zaro to'qnash kelgandingiz. O'sha vaqtdagi bilan hozirgi Eron o'rtasida qandaydir farq bormi?

- Bu terma jamoa har doim kuchli bo'lib kelgan. Tailandda o'tkazilgan musobaqada asosiy tarkibning 2-3 nafar futbolchisi ishtirok etmagandi. Jahon chempionatiga esa asosiy tarkib olib kelingan. Hozirgi Eron kuchli deb o'ylayman.