Timur Kapadze: "Bugungi uchrashuvda jarohat sababli uchta o'zgarish qilishga majbur bo'ldik"

"Bugun, albatta, "Neftchi"ni g'alaba bilan tabriklayman. Juda qiziq o'yin bo'ldi. Muxlislar ham mazza qildi, deb o'ylayman. O'yin kurashlarga boy bo'ldi. Futbolchilarim yaxshi harakat qildi, biroq maydon biroz pand berdi. Biz, asosan, pastlar bilan o'ynaymiz, bu maydonda esa bunday o'yin ko'rsatishga qiynaldik. "Neftchi"ga esa bu qo'l keldi. Raqibning baquvat legioner futbolchilari bor, ular uzoq uzatmalarda yaxshi harak qilishdi. Gollarda o'zimiz xatoga yo'l qo'ydik. Yigitlar shunday o'yinlar orqali ancha yaxshi tajribaga ega bo'ladi. O'yinda yaxshi harakat qilgan vaziyatlar ham bo'ldi. 

Jiyanov jarohat oldi, shu sababli o'zgarish qildik. Ko'rgan bo'lsangiz, raqib futbolchilari ancha qo'pol harakat qilishdi. Nafaqat "Neftchi", balki qolgan jamoalar qo'pol o'ynashmoqda. Hakamlar esa bunga yo'l qo'ymoqda. Bu esa yomon. Bugungi uchrashuvda jarohat sababli uchta o'zgarish qilishga majbur bo'ldik", — dedi Kapadze.