- Bugun mavsumdagi oxirgi o'yin bo'ldi. Mavsumni yuqori saviyada o'tkazganlari uchun futbolchilarimga, bizga yaxshi sharoitlarni yaratib bergan jamoamiz rahbariyatiga hamda butun mavsum davomida bizni qo'llab-quvvatlab kelgan qadrdon muxlislarimizga minnatdorchilik bildiraman. Bu mavsum shuni ko'rsatdiki, bizda umid va ishonch bor. Asosiysi muxlislarimizda bizga nisbatan ishonch paydo bo'ldi. O'ylaymanki kelgusi mavusmda jamoamiz yanada kuchli bo'ladi. Yigitlarimizga qilgan mehnatlari uchun yana bir bor rahmat aytaman.
O'yinga keladigan bo'lsak, "Paxtakor" kuchli jamoa , ular haqqoniy g'alabaga erishishdi. Lekin natija o'yinga mos bo'lmadi. Futbolchilarimiz 0-3 hisobidagi mag'lubiyatga loyiq emas edilar. Futbolchilarimizga bugungi bahsda ham borlarini berib o'ynashdi. Ularga xech qanday etirozim yo'q. Raqib safida yaxshi ijrochilar yig'ilganligi, zahiradan maydonga tushgan futbolchilari ham o'yinni kuchaytira olishgani yakunda o'z so'zini aytdi. Bugungi bahs oldidan tarkibimizdagi yo'qotishlar ham o'yinimizga tasir qildi.
Zaxiramizda o'yinni kuchaytirita oladigan futbolchilar qolmaganini ham takidlash joiz. Muxlislar xujumni kuchaytirishni talab qilishdi. Norbekovni tushirdik, afsuski SHohnazar hali o'yinga tayyor emas edi. SHunday bo'lsa ham futbolchilarim maydonda oxirigacha kurashishdi, borlarini berishdi. Buni o'yin tugagach muxlislarimiz bizni olqishlar bilan kuzatib qo'yganligidan ham bilsak bo'ladi.Endi yangi mavsumga jiddiy tayyorgarlik ko'ramiz.
Legionerlarimiz 11 oy davomida uylariga borishmagandi. Bilasizlar, Yosovich jarohat olgandi. Baribir u qolgan bahslarda maydonga tusha olmasdi. SHuni ham inobatga olgan holda legionerlarga ruxsat berdik. Ivan yangi mavsumda ham jamoamiz safida o'ynashi mumkin.
Yil davomida mehnat qilgan murabbiylar shtabiga, shifokorlarimizga va klubdagi barcha xodimlarga ham o'z minnatdorchiligimni bildirib o'taman. Natijalarda barchalararining hissalari katta bo'ldi", - deydi Ashurmatov.
Bosh sahifaga
90
