A Seriya. "Rim derbisi"da "Roma" mag'lub bo'ldi. Eldor 2-bo'limda maydonga tushdi

2021-09-26 23:20:01 / Kiritdi: BestMaster O'qilgan: 175

Mazkur sahifada kunning markaziy o'yini - "Rim derbisi" matnli tarzda translyaciya qilindi.

Lacio – Roma 3:2
26 sentyabr, 21.00, «Stadio Olimpiko»
Gollar:
1:0 – 10 Milinkovich-Savich, 2:0 – 19 Pedro, 2:1 – 41 Rojer, 3:1 – 63 Felipe Anderson, 3:2 – 69, penalti Veretu.
Lacio – Reyna, Marushich, Acherbi, Luis Felipe, Xyusay, Leyva (Kataldi, 61), Luis Alberto (Akpa-Akpro, 66), Milinkovich-Savich, Pedro, Immobile (Muriki, 90), Felipe Anderson.
Roma – Ruy Patrisiu, Karsdorp (Zalevski, 82), Manchini, Rojer, Vinya (Smolling, 82), Mxitaryan, Veretu, Kristante, Dzanolo (Karles Peres, 77), El-SHaaravi (SHomurodov, 64), Abraxam.
Ogohlantirishlar:
Ruy Patrisiu (11), Leyva (24), Kristante (45), Vinya (48), Veretu (87), Kataldi (87).

Lazio

Sergej Milinkovic-Savic - 10', Pedro Rodriguez - 19', Felipe Anderson - 63'

Serie A . 6-tur

26/09/2021, 21:00

Tugadi

Roma

Roger Ibanez - 41', Jordan Veretout - 69'

Stadion: Stadio Olimpico, Rome

Bosh hakam: Marco Guida

45'

90'

YANGILASH

O'yindan keyin Sarri borib, burgut bilan rasmga tushgan bo'lsa, Joze Mourinyu maydonning o'zida shogirdlari bilan "tarbiyaviy soat" o'tkazdi.

Guidaning o'yinni yakunlovchi hushtagi chalindi. "Burgutlar" "bo'rilar" ustidan zafar quchdi.

90+2. Eldor pas berishda xatosha yo'l qo'ydi.

90+1. "Burgutlar"ning hujumini Patrisiu bartaraf qildi.

SHu nuqtada bugungi matnli translyaciya amalga oshishida ko'maklashgan saytimizda tinchlikni taminlovchi Zafar akaga rahmat aytamiz.

O'yinning asosiy vaqtiga 5 daqiqa qo'shib berildi.

90. "Lacio"da o'zgarish. CHiro o'rnini "Fenerbahche"ning sobiq forvardi Vedat Muriki egalladi.

89. Anderson Nikolo Zalevskini zararsizlantirdi.

86. Maydondagi futbolchilar o'rtasida kichik janjal yuzaga keldi. Guida Kataldi va Veretuga sariq kartochka ko'rsatdi.

84. Eldor uzatgan to'pni Abraham darvozaga yo'llay olmadi. Bunchalar qaysar bo'lmasa bu Joze. SHomani markazga o'tkaz, axir...

83. "Lacio"ning hujumchlari tobora keskinlashmoqda. Immobilening zarbasiga har doimgidek aniqlik etishmadi.

82. Mourinyu Smolling va Zalevskini jangga tashladi.

81. Uxxxxx, Eldor! Hamyurtimiz Karles Peres uzatgan to'pni to'xtatmasdan darvozaga yo'llagan edi. Kuchli zarbani Reyna barataraf qildi.

80. Himoyachilarga yordamga etib kelgan Eldor Adam Marushichdan to'pni olib qo'ydi. Xuddi yosh bolaning qo'lidan muzqaymoqni olib qo'ygandek osonlik bilan.

79. CHiro Immobilening juda kuchli zarbasini Patrisiu qiyinchilik bilan bartaraf qildi.

78. Zaniolo almashtirildi. Italyanning o'rniga Karles Perez maydonga tushdi.

77. Nikolo Zaniolo shifokorlar yordamiga muhtoj.

73. Zanioloning kuchli zarbasidan keyin SHomurodov to'pga ulgura bilmadi. Afsus!

69. Goool! Jordan Veretu penaltidan unumli foydalanib, hisobni qisqartirdi. SHu imkoniyatni Eldorga bermaysanmi????

67. "Lacio" darvozasi tomon penalti belgilandi. Vaziyatni VAR o'rganmoqda.

65. Veretu ogohlantirildi.

64. Mourinyu goldan keyin darhol SHomurodovni maydonga tushirdi! El-SHaaravi endi bemalol dam olsa bo'ladi.

63. Goooool! CHiro Immobile "Roma" himoyasini xo'rlab tashladi va Andersonga to'p oshirdi. Braziliyalik futbolchi hisobni 3:1ga etkazdi.

60. "Lacio"da o'zgarish: Danilo Kataldi Lukas Leyva o'rniga o'yinni davom ettiradi.

53. Zaniolo burchakdan oshirgan to'pga yana Ibanez boshi bilan zarba berdi. Noaniq.

49. Uxxxx! Immobile juda qulay vaziyatdan noaniq zarba yo'lladi. Forvardning chap oyog'i o'ziniki emas, shekilli.

48. Andersonni qo'pollik bilan to'xtatib qolgan Vinya ogohlantirildi.

47. "Roma"ning hujumi muvvaqiyatsiz yakun tomdi. Abraham oldinga o'tib, Zanioloni to'p bilan taminlagan edi. Ammo italiyalik futbolchi Temmining shuncha qilganini...

46. Marko Guidaning 2-bo'limni boshlab beruvchi hushtashi chalindi. "Roma" futbolchilari to'pni o'yinga kiritib berishdi.

Mark Guidoning taymni yakunlab beruvchi hushtagi chalindi.

45+1. Raqibning qarshi hujumini qo'pollik bilan to'xtatib qolgan Kristante hakam tomonidan ogohlantirildi.

45. Birinchi bo'limga 1 daqiqa qo'shib berildi.

44. "Bo'rilar" taym oxirini "burgutlar"ning jarima maydoni ichida o'tkazmoqda.

41. Goooooool! Rojer Ibanes burchakdan oshirilgan uzatmani boshi bilan raqib darvozasiga yo'llab qo'ydi — 2:1.

40. Mxitaryandan zarba! Armanistonlik futbolchi tepgan to'pni "Lacio" himoyachisi maydon tashqarisiga chiqarib yubordi. Burchak zarbasi.

37. Mxitaryan o'z yarim maydonida to'pni oldirib qo'ydi. "Lacio"ning tezkor hujumi Immobilening kuchli, ammo noaniq zarbasi bilan yakunlandi. Zarbani juda ham chiroyli, lekin ovozi erkaksifat sohibjamolga o'xshatsa bo'ladi.

34. Milinkovich-Savich yana "Roma" jarima maydonida tipirchilab yuribdi. Aql kirmas ekanda bu bolaga.

28. Xavfli vaziyat! Burchakdan oshirilgan to'pni Zaniolo darvozaga yo'lladi. 39 yoshli Reyna 1 daqiqa ichida 2 bor "burgutlar"ning joniga oro kirdi. Ispaniyalik posbon ikkala epizodda ham to'g'ri joy tanlagandi. SHunga aytishsa kerak: Qari bilganni pari bilmaydi.

26. Vux! Jordan Veretuning kuchli zarbasidan keyin Pepe Reyna to'pni qiyinchilik bilan bartaraf qildi. "Roma"dan burchak zarbasi.

24. Qarshi hujumga qochayotgan Mxitaryanni qo'pollik bilan to'xtatib qolgan Leyva ogohlantirildi. Mark Guido braziliyalik futbolchilikning oldiga kelib, 5 kunlik dunyoda hamkasblari bilan murosa qilib yashashini so'radi.

19. Goooool! Pedro "Roma"ni jazolab, hisobni 2:0ga etkazdi. Eldor bo'lmasa, "Roma" ham o'zimizning "Nurafshon"ga o'xshagan jamoa ekan.

15. "Lacio" muxlislari Zaniologa taqlid qilishni boshlab yubordi ↓↓↓

12. Mark Guido portugaliyalik posbonni ogohlantirdi.

11. Ehh! Patrisiu to'pga chiqish jarayonida Sergeyga zarba berib yuboribdi. "Lacio" xavbeki maydonda yotibdi. Vaqt 2 daqiqa ortga qaytsa Milinkovich-Savich gol urish fikridan voz kechgan bo'lardi.