"Navbahor" - "Qizilqum": 8 yillik anana buzildi!

Eslatib o'tamiz, mazkur jamoalarning 1-davradagi to'qnashuvida ham kuchlar teng kelgan edi (1:1, 7-tur). Navoiydagi o'yinda Mate Vatsadze hisobni ochganidan keyin "lochinlar"ga 1 ochko keltiruvchi gol tojikistonlik Ehsoni Panshanbe nomiga yozilgan.

Etiborni tortadigan jihat shuki, bu jamoalar mavsumning har 2 o'yinida ham jangovar durangga rozi bo'lishdi. Bunaqasi so'nggi bor 2012 yilgi mavsumda sodir bo'lgan edi. 

SHundan keyin O'zbekiston  chempionatining qatorasiga 8 mavsumida Namangan va Navoiy klublari o'rtasida durang qayd etilmadi.

14.04.2013 "Qizilqum" 0:1 "Navbahor"

18.10.2013 "Navbahor" 0:1 "Qizilqum"

01.06.2014 "Qizilqum" 3:1 "Navbahor"

17.10.2014 "Navbahor" 2:0 "Qizilqum"

18.06.2015 "Qizilqum" 3:2 "Navbahor"

30.10.2015 "Navbahor" 2:1 "Qizilqum"

16.06.2016 "Qizilqum" 1:0 "Navbahor"

29.10.2016 "Navbahor" 0:2 "Qizilqum"

10.03.2017 "Navbahor" 3:2 "Qizilqum"

12.08.2017 "Qizilqum" 2:1 "Navbahor"

12.05.2018 "Navbahor" 3:0 "Qizilqum"

18.08.2018 "Qizilqum" 2:0 "Navbahor"

28.06.2019 "Qizilqum" 1:2 "Navbahor"

26.07.2019 "Navbahor" 0:1 "Qizilqum"

13.07.2020 "Navbahor" 1:0 "Qizilqum"

02.11.2020 "Qizilqum" 0:2 "Navbahor"

Guvohi bo'lganingizdek, 2013-20 yillarda "Navbahor" va "Qizilqum" o'rtasida o'tkazilgan 16 o'yinning teng yarmida "lochinlar", qolgan yarmida "konchilar" zafar quchishgan. Qiziqarli jihati, 6 mavsum davomida (2013, 2014, 2015, 2017, 2018, 2019) birinchi davradagi o'yinni yutgan jamoa 2-davrada imkoniyatni boy berib qo'ygan. Kishini g'oyat hayron qoldiradigan tomoni esa shunday mavsumlarning 5 tasida jamoalar orasidagi 2 o'yinda qayd etilgan umumiy to'plar nisbati teng kelavergan. Yani, 1-davrada X to'p farqi bilan yutqazgan klub, 2-davrada xuddi shu nisbatda g'alaba qozonib, qasos olgan. Qoyil!

2012 va 2021 yillardagi bahslarning har ikkisida durang qayd etilganini inobatga olsak, oxirgi 10 yilda o'zaro o'tkazilgan 20 o'yinda Namangan va Navoiy klublari bir ochko ishlab topishgan — 28 tadan.

FAKT: "Navbahor" O'zbekiston chempionatlari tarixida "Qizilqum" bilan 2012 yildan beri ilk bor nursiz durang qayd etdi. Umuman olganda, mazkur klublar o'rtasidagi faqat 3 o'yin golsiz nihoyasiga etgan (2011, 2012 va 2021 yillarda).

Hindlarga "master-klass" o'tib bergan "vunderkind" haqida