O'zPFL yil avvalida “Klublarni licenziyalash reglamenti”ni ishlab chiqib, mavsum davomida ularni shu hujjat asosida monitoring qilib bordi. Hozirgacha klublar 5 ta mezon: sport, infratuzilma, ishchi-xodimlar, huquqiy va moliyaviy mezonlar bo'yicha hujjatlar taqdim etdi.
Yoritish tizimi
Yoritish tizimining talab darajasida emasligi ayrim klublarning asosiy kamchiligi bo'lib turibdi. Jumladan, “Surxon”, “Mashal” va “Andijon” klublarida bu muammo ustida ishlanmadi va OFK mazkur klublarga licenziya taqdim etmasligi katta ehtimol. “Qo'qon-1912” mazkur muammoni hal qilish ustida nisbatan ishladi. Biroq klub belgilangan muddat ichida mazkur muammoni bartaraf etishga ulguradimi yoki yo'qligi asosiy masala bo'lib turibdi. SHuningdek, bu borada AGMK va “Metallurg” jamoalari hozircha OFK talabidan ortda qolayotganini etirof etish kerak.
Malumot uchun O'zPFL bilan 2021 yilgi mavsum davomida hamkorlikda ishlagan “Turon”, “Qizilqum”, “So'g'diyona”, “Paxtakor”, “Lokomotiv” va “Nasaf” klublari projektorlarini OFK talab etgan ko'rinishga keltirishga erishdi.
Qarzdorlik masalasi
OFK mazkur masalaga jiddiy etibor qaratadi. Uch klubimizda bu borada muammo mavjud. “Buxoro” klubi qarzdorlik bo'yicha muammolarni 90 foizga hal qilishga erishdi va yana ikki ish ustida ishlashi lozim. Vladimir Bubanya esa “Surxon” bilan yana xuddi o'tgan yilgi scenariy asosida xayrlashdi. Klub yana futbolchi oldidagi qarzdorlikni yopishi va qishki transfer oynasi yopilishi ehtimolini bartaraf qilishi lozim. Ammo “Navbahor” klubida vaziyat og'ir. Klubning Aleksey Belenkov, Andrey Kanchelskis kabi mutaxassislar oldida qarzi bor. Bu muammo bartaraf qilinmaguniga qadar, “Navbahor” xalqaro maydonda to'p sura olmaydi. Achinarli tomoni shundaki, “Navbahor lochinlari” futbol klubi qolgan barcha mezonlar bo'yicha OFK talabiga to'liq javob beradi.
Bosh sahifaga
161
