"Namanganda o'tadigan finalga yo'llanma beruvchi uchrashuvda AGMK chempionat grandlaridan biri "Nasaf"ni taslim qildi. O'yin jamoamizning ustunligi va tashabbusi bilan boshlandi. Qator hujumlardan biri nihoyat samara keltirdi. Jokich-Sulaymonov-G'ofurov tashkil etgan kombinaciyani Bahrom Abdurahimov muvaffaqiyatli yakunlab, o'yinda AGMKni hisobda oldinga olib chiqdi.
Uchrashuvda hisobni ochgan jamoamiz bellashuvning qolgan qismini taktik taraflama alo darajada o'tkazib, ishonchli va mustahkam himoyalandi. Valijon Rahimov va himoya chizig'imiz "Nasaf"ning xavfli hujumlarini bartaraf etishda jonbozlik ko'rsatdi. Ikkinchi taymda AGMK hisobni oshirishi uchun ham imkoniyatlar tug'ildi. Biroq Grigalashvili, Nurmatov, Vatsadze va G'ofurovning urinishlari golga aylanmadi.
SHu kuni taktik ko'rsatmalarni alo darajada bajargan jamoamiz futbolchilari o'yinda hakam xushtagi yangragunga qadar maydonda borlarini berib harakat qilishdi. Natijada yildan-yilga kuchayib, shakllanayotgan Mirjalol Qosimov boshqaruvidagi AGMK qatorasiga uchinchi yil O'zbekiston kubogi finaliga chiqdi. SHuningdek, AGMK o'z tarixida ketma-ket to'rtinchi finalda ishtirok etish arafasida turibdi.
O'zbekistondagi so'nggi to'rt final AGMK ishtirokisiz o'tmayotgani va finallarda ishtirok etish yoqimli ananaga aylangani tarixiy va quvonarli holat.
AGMK jamoasi tom manoda yuksalish va rivojlanish yo'lida. AGMK qisqa davr ichida o'z oldiga yuksak maqsadlarni qo'yadigan va jiddiy vazifalarni bajaradigan yuqori darajadagi jamoaga aylanmoqda. Bu albatta rahbariyat tomonidan jamoa bosh murabbiyi Mirjalol Qosimovga berilgan imkoniyat va bildirilayotgan ishonch mevasi.
O'zbekiston kubogi finalidagi raqibimiz avvalgi yillarda bo'lgani kabi O'zbekistonning amaldagi chempioni va kubok sohibi "Paxtakor" jamoasi bo'ladi.
"Paxtakor" final yo'ligacha Toshkentda "So'g'diyona" (8:1) va "Qizilqum" to'sig'idan o'tib, yarim finalda "Qo'qon-1912"ni mag'lub etdi. AGMK esa dastlab Toshkentda "Lokomotiv"ni yirik hisobda dog'da qoldirib, keyinchalik "Metallurg" (4:3) va "Nasaf"dan ustunlik qildi.
Bu galgi final o'yini 20 dekabr kuni Namangan shahridagi "Markaziy" o'yingohda bo'lib o'tadi. AGMK shu kuni O'zbekiston kubog'ida g'oliblikni qo'lga kiritib, tarixiy mavsumga aylangan 2020 yilda bronza medallari qatoriga O'zbekiston kubogi sovrinini ham qo'shib qo'yishga intiladi", - deb yozadi klub matbuot xizmati.
O'zbekiston Kubogi, yarim final.
16 dekabr, chorshanba
AGMK – «Nasaf» 1:0
Gol: Bahrom Abdurahimov (16)
Olmaliq shahri, OKMK sport majmuasi.
Hakamlar: Akobirxo'ja SHukurullaev, Aleksandr Sidorov, Baxtiyorxo'ja SHavkatov, Abdurashid Xudoyberganov
Nazoratchi: Oleg Dachev
Komissar: Alisher Fayziev
AGMK (4-3-3) — 35.Valijon Rahimov - 20.Mirg'iyos Sulaymonov, 30.Jasur Umarov, 3.Sardor Rahmonov, 11.Murod Toshmatov (2.Akmal SHorahmedov, 86) - 23.Yovan Jokich, 5.Dilshod Jo'raev, 18.Bahrom Abdurahimov (10.SHahzod Nurmatov, 67) - 94.Husniddin G'ofurov, 21.Mate Vatsadze (9.Zafar Polvonov, 76), 7.Elguja Grigalashvili (31.Saydullo Rahmatov, 76)
Zaxira: 32.Suhrob Sultonov, 4.Mirjamol Qosimov, 44.Bobur Yo'ldoshev, 77.Arslonmirat Amanov, 88.Igor Zonich.
«Nasaf» — 35.Abduvohid Nematov, 4.Husniddin Aliqulov, 5.G'olib G'aybullaev (19.Husayn Norchaev, 65), 10.Bobir Abdixoliqov, 14.SHarof Muhitdinov, 15.Jo'rabek Mannonov, 20.Islom Kenjaboev (50.SHohmalik Komilov, 80), 22.Akmal Mozgovoy, 77.Oybek Bozorov, 88.Marko Stanoevich, 92.Umar Eshmurodov.
Zaxira: 1.Umidjon Ergashev, 13.Azamat Soibov, 21.Mashhurjon Muhammadjonov, 7.Dilshod Rahmatullaev, 17.Faysal Traore, 18.Javohir Esonqulov, 70.Abubakrizo Turdaliev.
Ogohlantirish: Husniddin G'ofurov (39).
Bosh sahifaga
862