Quyida ushbu jamoa haqida ayrim malumotlarni taqdim qilamiz.
Qachon tashkil topgan?
Uzoq tarixga ega bo'lgan “Tulevik Vilyandi” 1912 yilda tashkil topgan. Bir yildan so'ng Vilyandi ko'li bo'yida qurilgan “Vilyandi” stadionida to'p sura boshlagan. Birinchi jahon urushi tufayli ushbu jamoa 1927 yilga qadar faoliyatini to'xtatgan. 1937 yildan boshlab esa Estoniya “B” klass mintaqaviy chempionatida g'olib bo'lgan. 1940 yilda esa Sovet Ittifoqi Estoniyani bosib olganidan so'ng, jamoa butunlay tarqatilib yuborilgan.
1977 yilda esa jamoa “Vilyandi Linnameskond” nomi bilan qayta tashkil topdi. Oradan to'rt yil o'tib esa Estoniya oliy chempionatiga ko'tarildi va o'n ikki yil davomida yuqori ligasida to'p surgan. 1992 yilga kelib esa jamoa nomi “Tulevik” nomiga o'zgartirilgan.
Bu jamoa 1998 yilda xalqaro maydonda dastlabki uchrashuvini UEFA Intertoto kubogida o'tkazdi va “Sent-Gallen”ga imkoniyatni boy berib, musobaqani birinchi davra saralash bahsidayoq tark etadi. 1998-1999 yilda Estoniya kubogi finaliga qadar etib borib, hal qiluvchi bahsda “Levadiya”ga yutqazib qo'ygan. 2016 yilda esa Estoniya quyi ligasida 2016 yilda g'alaba qozonib, Meistriligaga yo'llanma olgan.
Stadioni haqida
Hozirda jamoa 2010 yilda qayta tamirlangan “Vilyandi Linnastadioni”da to'p suradi. Umumiy sig'imi 1084 nafar muxlisga mo'jallangan stadion mamlakatdagi eng yaxshi o'yingohlardan biri hisoblanadi.
Legionerlari
“Tulevik Vilyandi” jamoasida bugungi kunda 6 nafar legioner futbolchi to'p suradi. Hamyurtimiz Abubakr Mo'ydinovdan tashqari, 4 nafar nigeriyalik hamda 1 nafar kamerunlik futbolchilar to'p surmoqda. Aytish kerak, klubdagi barcha legionerlar yosh futbolchilar hisoblanadi.
Kazeem Bolaji
Fuqaroligi: Nigeriya
Tug'ilgan yili: 2020 yil 13 dekabr
Ampluasi: yarim himoyachi
Ganiu Ogungbe
Fuqaroligi: Nigeriya
Tug'ilgan yili: 1992 yil 1 dekabr
Ampluasi: himoyachi
Ridvan Babatunde
Fuqaroligi: Nigeriya
Tug'ilgan yili: 2001 yil 5 may
Ampluasi: himoyachi
Arch Mintongo
Fuqaroligi: Kamerun
Tug'ilgan yili: 2002 yil 10 aprel
Ampluasi: yarim himoyachi
Paul Odunayo Aderibije
Fuqaroligi: Nigeriya
Tug'ilgan yili: 2002 yil 13 iyun
Ampulasi: hujumchi
Abubakr Mo'ydinov to'g'risida
21 yoshli hamyurtimiz bu jamoada asosan himoyada to'p tepmoqda. Aslida u vinger va hujumchi sifatida BAA va Portugaliya klublarida harakatlangan. Portugaliyaning “Leixoes” klubining 23 yoshgacha bo'lgan jamoasida bir muddat o'ynaganidan so'ng u erkin agent sifatida 2021 yilning 3 aprel kuni “Tulevik” bilan shartnoma imzoladi. Bu klubda hozirgacha 11ta uchrashuvda maydonga tushib, bir marotaba to'p yo'lladi.
"Eldor SHomurodovning ortidan ko'plab o'zbekistonlik futbolchilar Evropa klublari nazariga tushmoqda". Estoniyada to'p tepayotgan Abubakr Mo'ydinov bilan intervyu
Malumot uchun
“Tulevik Vilyandi”
Tashkil topgan yili: 1912 yil 23 sentyabr
Stadioni: Vilyandi Linnastadion (1,084 nafar sig'imiga ega)
Prezident: Raiko Mutle
Bosh murabbiy: Yaanus Reitel
Bosh sahifaga
193