Bu o'yindagi ehtimoliy g'alaba jamoani Yoshlar Birinchiligi g'olibiga aylantirishi mumkin.
Buning uchun parallel ravishda bo'ladigan Muborakdagi "Mashal" (U21) - "Nasaf" (U21) uchrashuvida mezbonlar yutqazmasligi talab etiladi. Agarda bugun AGMK (U21) jamoasi g'alabani tantana qilib, "Mashal" (U21) o'z o'yinida mag'lubiyatga uchramasa, unda olmaliqlik yoshlar muddatidan avval chempionlikni rasmiylashtiradi.
AGMK futbol klubi tarixida hali yoshlar jamoasi Birinchilik g'olibiga aylanmagan va joriy mavsum ushbu tarixiy voqea yuz berishga juda yaqin.
AGMK futbol jamoasi har yili yuksalish va rivojlanish yo'lida turli g'alabalar va tarixiy natijalar qayd etayotgani bejizga emas. CHunki to'g'ri yo'lga qo'yilgan klubning ichki siyosati va pastki bo'g'inga qaratilayotgan etibor natijasi o'z mevasini berish jarayonida. Bu esa bosqichma-bosqich jamoani butkul yangi darajaga chiqishi uchun xizmat qilishi shubhasiz.
Azam SHerg'oziev boshchiligidagi AGMK (U21) jamoasi yil davomida katta ko'lamdagi ishlarni bajarib, hozirgacha o'tkazilgan 20 o'yindan 15tasini g'alaba bilan yakunlagan. Bugungi "Bunyodkor" (U21) bilan bo'ladigan bahsda qo'lga kiritilishi mumkin bo'lgan ehtimoliy 16-g'alaba ularni chempionlik sari etaklashi mumkin.
Yoshlar Birinchiligi, 21-tur.
1 oktyabr, juma.
"Bunyodkor" (U21) - AGMK (U21) (16:30)
"Bunyodkor" akademiyasi maydoni.
Bosh sahifaga
178
23 May 2026, 12:17