"Birinchi bo'lim sust o'yin namoyish etildi. Jamoalar bir-birini hurmat qilgan holda harakat qilishdi. Intizomli o'yin bo'ldi. O'ylaymanki, ikkinchi bo'limda shiddat, tezkorlik, jangovarlik oshdi. Kurashlarga boy uchrashuv bo'lib o'tdi. Uch ochko olish uchun maydonga tushgandik. Avvalo o'zimiz aybdormiz. Bizga hech kim chetdan kelib yordam bermaydi. Futbol shunday narsa, maydonga chiqqanda tayyorgarlik ko'rilmaydi. "Bunyodkor" o'tgan turda Qarshida alamli mag'lubiyatga uchragandi. SHu bois o'z muxlislari, rahbarlari oldida jonini berib o'ynashini yigitlarga takidlagandim. Futbol ikki bo'lim o'ynaladi. Ikkinchi taymdagi harakatni ilgariroq boshlashganida, natija boshqacha ko'rinish olardi. Hayot davom etadi. Oldinda o'yinlarimiz bor. Ana shu bahslarda faqat g'alaba uchun to'p tepamiz. Turnir jadvalidagi o'rnimiz o'zimizga bog'liq. Fursatdan foydalanib, o'rinbosarlarimizni kichik tarixiy natija bilan tabriklayman", – deydi Mirjalol Qosimov.
- Hech kim ikkinchi o'rinni olishni istamayotgandek. "So'g'diyona" ham durang natija qayd etdi. AGMK esa etib olishi mumkin edi...
- Turnir jadvalining yuqori va pastki qismida qiziqarli uchrashuvlar kechmoqda. Jadvalga qarab turib ham maydonga chiqib bo'lmaydi. Hozir hammaga ochko kerak.
- AGMK birinchi bo'limda pressingni yaxshi qo'lladi. Raqibga imkoniyat qoldirgani yo'q. Hujum qilishda so'nggi pasni beradigan futbolchi topilmadi. Yakuniy nuqtaga kelganda, ijodkorlik etishmayapti...
- Futbol shunisi bilan qiziq. Portugaliya Islandiya bilan o'ynaganda, Ronaldu gol urib ketgandi. Yoki kecha "Manchester Yunayted" – "Vilyareal"ga qarshi bahsda qanday o'ynadi. Aleksandr Kasyanda ham yuz foizli imkoniyat bor edi. Matematikada ikki karra ikki to'rt yoki to'rt karra to'rt o'n olti, degan narsa bor. Futbol shu qadar ommabop o'yinki, buni hali olimlar ham tagiga etolmagan. To'g'ri, doskada chizib berish mumkin, lekin maydonda hammasi boshqacha. SHuning uchun ham futbol qiziq sport turi.
Bosh sahifaga
86
