Dastlab 63-daqiqada mezbonlar tarkibida Suhrob Izzatov hisobni ochdi. Oradan ko'p vaqt o'tmay, Sardor Rahmonov muvozanatni tikladi. Uchrashuvdan so'ng Suhrob bilan bog'lanib, uning taassurotlariga quloq tutdik.
"Biz g'alaba uchun maydonga tushgandik, - deya gap boshladi Izzatov. Ammo fikrimcha qayd etilgan hisob adolatli bo'ldi. Ikkala jamoa ham ko'plab vaziyatlar yaratgan bo'lsa-da, undan foydalana olmadi va kuchlar teng keldi. Bugun ikki jamoa ham oxirgi daqiqalargacha g'alaba uchun maydonga chiqqanligini ko'rsatdi",- deydi Suhrob Izzatov.
- “Nasaf”dan uchralgan yirik mag'lubiyat bugungi o'yinga tasir qildimi?
- Qarshida uchralgan mag'lubiyatni allaqachon unutganmiz. O'sha bahsda qo'limizdan kelgancha o'ynadik. Afsuski, omad etishmadi va yirik hisobda mag'lubiyatga uchradik. Bugun buni unutib, maydonga tushdik.
- Mavsumning qolgan o'yinlaridan nimalarni kutmoqdasiz?
- Endi ortga yo'l yo'q. SHu tufayli qolgan har bir uchrashuvda g'alaba qozonishga ham ochkolarimiz sonini ko'paytirib olish uchun maydonga tushamiz. Keyingi turlardagi raqiblarimiz ham kuchli. Oson o'yinni o'zi qolmagan. SHunday bo'lsa-da, “Bunyodkor” kurashishda va ochko yo'qotmaslikka intiladi.
- Jamoangiz mavsumni nechanchi o'rinda tugatishni rejalashtirgan?
- Mavsum boshida oldimizga chempionlik vazifasi qo'yilgandi. Keragidan ortiq ochkolarni boy berganimiz uchun ham yuqorida belgilangan vazifadan uzoqlashib ketdik. SHunga qaramay, mavsumni kuchli uchlikda tugatishga intilamiz. Bu borada bizda imkoniyat bor.
- AGMKga qarshi kechgan o'yinda ko'plab etakchi futbolchilar “Bunyodkor”ga yordam bera olishmadi. Ularning o'rni bilindimi?
- Albatta, etakchi o'yinchilar yo'qligi bilindi. Bugun Lutfulla To'raev, Farrrux Ikromov, Mirjahon Mirahmadov va Rasul Yo'ldoshev kabi jamoadoshlarim yordam bergani yo'q. Tabiiyki, bu bizning o'yin uslubimizga tasir qiladi.
Bosh sahifaga
287