Championat.asia tur bahslari asosida tur laureatlarini aniqladi.
"Qo'qon-1912" klubi bu tur o'z maydonida amaldagi "Paxtakor"ga qarshi o'ynadi va 4:2 hisobida g'alabaga erishdi. Qo'qonliklar mavsumdagi eng chiroyli g'alabalaridan birini aynan shu turda qo'lga kiritishdi va 2003 yildan buyon ilk bor "Paxtakor"ni taslim qildi. SHu bois Baxtiyor Ashurmatov championat.asia sayti talqiniga ko'ra 21-turning eng yaxshi murabbiyi deb topildi.
"Lokomotiv" bu tur Bekobodda "Metallurg" mehmoni bo'ldi va 2:1 hisobida g'alaba qozondi. "Temiryo'lchilar" darvozabon Abdumavlon Abdujalilov qizil kartochka olib maydonni tark etdi. Darvozani Javohir Ilyosov egalladi va bir qator seyvlar bilan jamoasi joniga oro kirdi. Aynan uning seyvi va to'p uzatishidan keyin "Lokomotiv" penalti tepish imkoniyatini qo'lga kiritdi. SHu bois Championat.asia sayti talqiniga ko'ra, 21-turning eng yaxshi darvozaboni Javohir Ilyosov bo'ldi.
Bu turda "Qizilqum" hujumchisi Elguja Grigalashvili "Turon" bilan bahsda ajoyib gol urdi va tur goli muallifiga aylandi.
"Qo'qon-1912" safida "Paxtakor"ga qarshi bahsda Muhammadanas Hasanov juda faol o'ynadi. Bitta gol urishdan tashqari bitta golga assistentlik qildi. SHu tariqa, Muhammadanas Hasanov championat.asia talqiniga ko'ra 21-turning eng yaxshi futbolchisi deb topildi.
O'zbekiston chempionati turnir jadvali >>>>> Superliga
44009219873991931 
Bosh sahifaga
436
28 May 2026, 17:20