Keyin bu haqda hamkasbimiz Faxriddin Ro'ziev o'z munosabatini bildirib, fikrlarini bayon etgandi. Biz esa mavzuni davom ettirgan xolda, Bubanyaning o'zi bilan bog'lanib, vaziyatga oydinlik kiritdik.
- Sizni yaqinda xuddi yana o'tgan yilgidek “Surxon” jamoasidan kutilmaganda g'oyib bo'lganingizni eshitdik. Buni qanday izohlaysiz?
- O'zingiz ham yaxshi bilsangiz kerak, “Surxon”da moliyaviy muammolar bor. Oylik maoshlarimni o'z vaqtida ololmagach, vatanimga qaytishga qaror qildim. CHunki oilam hozir Serbiyada. SHuning uchun men ham yil yakuniga qadar o'zimizning chempionatda o'ynashni lozim topdim.
- “Surxon” bilan amaldagi shartnomangizni qachon bekor qilib ulgurdingiz?
- SHu yilning 20 iyul kuni erkin agentga aylanganman. So'ngra Serbiyadagi mahalliy “Novi Pazar” jamoasi bilan mavsum so'nggiga qadar kelishuvga erishdim.
- Sobiq jamoangiz rahbariyati bilan uchrashib, qolib ketgan pullariz bo'yicha batafsil gaplashib olganmisiz?
- Bu borada yana konkret kelishuvga erishmaganmiz. Har doimgidek og'zaki gaplar.
- Jamoani tark etishingizning asosiy sababi moliyaviy muammolar bilan bog'liqmi yoki ko'pincha zaxirada qolib ketishingiz yoqmadimi?
- Albatta pullarimni o'z vaqtida ololmaganim tufayli ketdim jamoadan.
- Murabbiylar bilan munosabatingiz qanday edi? Nahotki ular Sizni jamoada olib qolishni istamagan bo'lsa?
- Bu borada muammo yo'q edi. Murabbiylar bilan munosabatim ajoyib bo'lgan.
- Sir bo'lmasa “Surxon”da qancha miqdorda pullaringiz qolib ketdi?
- 30-40 ming AQSH dollari atrofida.
- Kelasi mavsum Sizga yana O'zbekiston klublaridan takliflar bo'lsa, ortga qaytishingiz mumkinmi?
- Nasib qilsa, yanvar oyida Toshkentga qaytaman.
Islombek Rustambekov suhbatlashdi.
Bosh sahifaga
242
29 May 2026, 09:51