Malumot uchun, 2001 yilda tug'ilgan tajribali futbolchi Oliy Liganing joriy mavsumida 9 bor raqiblari darvozasiga yo'l topishga ulgurgan.
Nima uchun aynan futbol?
— Esimni tanibmanki, futbolga qiziqaman. 6 yoshimga qadar ko'chada bolalar bilan to'p o'ynar edim. Keyinroq esa A.R. Ismailovichning shogirdlari safiga qo'shildim va bolalar bilan mashg'ulotlarda qatnasha boshladim. Keyinchalik murabbiy meni Oliy Ligaga tavsiya qildilar. SHu tariqa qizlar Oliy Ligasiga kirib keldim.
Bu sport turini tanlaganingizga afsus qilgan paytlaringiz bo'lganmi? (qanday vaziyatlarda?)
— 6 yoshimdan boshlab hozirgacha futbol o'ynayman. Lekin butun hayotim davomida hali bunday his bo'lmagan.
"Bunyodkor-W"dagi sharoitlar, mashg'ulotlar haqida aytib bersangiz, kamchiliklar haqida ham.
— Klubimizda barchasi yaxshi. Mashg'ulot o'tkazishmiz uchun hamma sharoit va imkoniyatlar mavjud. Mashg'ulotlarimiz qiziqarli va shiddatli ruhda o'tadi. Hamma jamoalarning kamchiliklari bo'ladi. Lekin shunga qaramay bizning jamoa O'zbekistondagi eng zo'rlaridan.
Erkaklar futbolida legionerlarimiz soni oshmoqda. Sizda ham shunday niyat bormi?
— Albatta, bu har bir futbolchining orzusi. Agar taklif tushsa, avvalambor, murabbiy bilan maslahatlashardim.
Buning uchun o'z ustingizda ko'p ishlashingiz kerak. Mashg'ulotlardan keyin ham alohida shug'ullanib turasizmi?
— Har bir futbolchi o'zining kamchiliklari ustida yakka tartibda shug'ullanadi. Lekin buni ham murabbiy nazorat qiladi.
Futbolda murabbiy jamoaning o'yiniga qanchalik tasir o'tkazadi?
— Fikrimcha, 80 foiz bo'lsa kerak. Maydonda biz o'ynaymiz, muabbiymas. Lekin murabbiyning ko'rsatmalari asosida u o'rgatgan harakatlarni amalga oshirishga harakat qilamiz. Hamma etibor murabbiyning fikriga qaratiladi. Maydondagi futbolchi 20 foiz vaziyatlardagina tashabbusni o'z qo'liga oladi.
Siz bilan ishlagan eng kuchli murabbiy kim?
— Eng yaxshi deb Ahmedov Ravshan Ismailovichni ko'rsatardim.
Agar tanlash imkoniyatingiz bo'lganda qaysi jamoada to'p surardingiz?
— O'zbekistondan faqat o'z jamoam “Bunyodkor-W”ni tanlayman.
Katta mag'lubiyatlardan so'ng o'zingizni qanday chalg'itasiz?
— Mag'lubiyat men uchun qandaydir manoda motivaciya bo'ladi. Ko'p hollarda onamni daldasi yordam beradi.
Futboldan tashqari yana qaysi sport turlariga qiziqasiz?
— Voleybolga qiziqaman va o'ynab turaman. Bo'sh vaqtimning asosiy qismini kitob mutolaasi bilan o'tkazaman.
O'zbekistondagi ayol futbolchilar orasida xorijda o'ynay olish darajasida deb kimlarni ayta olasiz?
— Lyudmila Karachik (“Bunyodkor-W”) va Laylo Tilovova ("Sevinch").
Sizning sportdagi kumiringiz kim?
— Men hech kimga havas qilmiman, shu qatorda hasad ham. Orzuga keladigan bo'lsak, har tomonlama mukammal bo'lishni orzu qilaman.
Ayollar futbolini rivojlantirishimiz uchun nimalar qilishimiz kerak?
— Eng muhimi sportchining qiziqishini so'ndirmasdan, aksincha uning rivojlanishi uchun sharoit yaratish kerak. Ularga adolat bilan yondashish kerak. Sportchiga etarlicha etibor qaratilsa, hammasi faqat yaxshi tomonga o'zgaradi.
Malika Kushbakova suhbatlashdi
233332414973983320 
Bosh sahifaga
270
29 May 2026, 16:45