Ushbu sahifada uchrashuvning matnli translyaciyasini kuzatishingiz mumkin.
YANGILASH
45+2-daqiqa. GOOOOOOL! Ferran Torresdan dubl!
45-daqiqa. Birinchi bo'limning asosiy vaqtiga 1 daqiqa qo'shib berildi.
45-daqiqa. Ogohlantirish! Sesar Aspilikueta qo'pollik ishlatgani uchun sariq kartochka ishlab oldi.
42-daqiqa. QIZIL KARTOCHKA! Hakam futbolchi raqib tomon atayin tirsagi bilan harakat qilgani uchun sariq kartochka ko'rsatdi va u qizilga aylandi.
41-daqiqa. BONUCHCHI! Sariq kartochkasi bor himoyachi Busketsga nisbatan qo'pol o'ynadi. Veratti va qolgan futbolchilar hakamni tinchlantirishga urinmoqda.
39-daqiqa. To'p nazorati yana ispanlar tomonga o'tdi.
37-daqiqa. Qarshi hujum ispanlar ijrosida. Biroq ikki nafar sherigi bo'lganiga qaramay, Oyarsabal zarba berishga qaror qildi, yoki uzatmasi qovushmadimi, lekin to'p darvozabonning qo'liga borib tushdi.
34-daqiqa. O'ngdan jarima maydonchasiga kirib kelgan Bernardeski kutilmaganda zarba berdi va darvozabon qaytarishidan keyin to'p ustunga tegib ketdi.
32-daqiqa. Italiya markazdan oldinga o'tishga urinib ko'rdi, o'xshamadi.
30-daqiqa. Ogohlantirish! Tilini tiya olmagani uchun Leonardo Bonuchchiga sariq ko'rsatildi.
30-daqiqa. Jarima maydoni yaqin nuqtadan Italiya standartni amalga oshiradi. Zarba o'rniga yaqin masofaga oshirildi, lekin ispanlar bunga ham tayyor edi. Oqibatda hujumda fol.
28-daqiqa. Insinening o'zi uzatmani amalga oshirdi, lekin ish yakuniy zarbagacha etib bormadi.
27-daqiqa. Lorenco Insine to'pni himoyachilarning ortidagi bo'sh zonaga uzatib berayotgandi, raqib buni sezib qoldi. Burchak zarbasi.
23-daqiqa. Har ikki murabbiy ham, futbolchilar ham tushunib turishibdiki, bugungi bellashuvda ko'p narsa maydon markazi "kimniki bo'lishiga" bog'liq. Hozir ham ketma-ket kichik duellar guvohi bo'ldik, yakunda ish fol bilan tugadi. Hech kim bo'sh kelishni istamayapti.
21-daqiqa. Ispaniya o'z kuchiga ishongan holda harakat qilmoqda va bu Italiya termasi vakillariga yoqmayapti.
19-daqiqa. Donnarumma kutilmaganda xatoga yo'l qo'ydi va to'p darvozaga qarab ketayotgandi, Bonuchchi amallab to'pni qaytarishga muvaffaq bo'lmoqda.
17-daqiqa. GOOOOOOOL! Oyarsabaldan chap qanotdan ajoyib pas va Torresdan undan qolishmaydigan zarba.
16-daqiqa. O'yin Italiyada bo'layotganidan xabaringiz bor albatta. Hozir tribunalar birinchi navbatda aynan mezbonlar o'yinidan norozi bo'lib, hushtak chalishdi chog'i.
13-daqiqa. Bir daqiqa ichida har ikki jamoa futbolchilari ham texnikalarini namoyish qilib ulgurishdi, ham xatolarga yo'l qo'yib to'pni raqibga berib qo'yishnida uddalashdi. Oxirgi bo'lib, Kezani to'xtatishda qo'pollik ishlatildi va u oshirgan to'p sherigiga etib bormagach, Karasyov jarima zarbasi belgiladi.
12-daqiqa. Markazda endi Jorjino Bustketsni "mehmondo'stlik" bilan qarshi oldi va ispaniyalik yarim himoyachi maydonga quladi.
10-daqiqa. Buskets to'p uchun kurashda Barellani ayab o'tirmadi va natijada to'p oxirgi bo'lib aynan italiyalik futbolchiga tegib, maydonni tark etdi.
8-daqiqa. Ispanlar raqib jarima maydonchasi, darvozasi tomon yo'l izlamoqda.
7-daqiqa. Ispaniya to'pni nazorat qilish orqali raqib tempini buzishga va o'z hujumlariga zamin yaratishga urinmoqda.
5-daqiqa. Uchrashuvdagi ilk chinakamiga xavfli zarbani Italiya termasi vakili Keza amalga oshirdi, ammo Unai Simon o'z o'rnida.
3-daqiqa. Ispaniya hujumga o'tishga harakat qildi, lekin reja oxiriga etmay qoldi.
1-daqiqa. O'yin boshlandi! Uni markazdan ispanlar boshlab berishdi.
Jamoalarning asosiy tarkiblari malum bo'lib ulgurgan.
Italiya – Ispaniya
6 oktyabr, 23.45, "Juzeppe Meacca (San-Siro)"
Italiya – Donnarumma, Emerson, Di Lorenco, Bastoni, Bonuchchi, Bernardeski, Jorjino, Insine, Verratti, Keza, Barella.
Ispaniya – Unai Simon, Alonso, Laport, Aspilikueta, Pau Torres, Sarabiya, Koke, Ferran Torres, Buskets, Oyarsabal, Gavi.
 Italy | UEFA Nations League A Championship Playoff . Semi Finals-tur 06/10/2021, 23:50 2 : 0 tanaffus |  Spain Ferran Torres - 17', Ferran Torres - 45' |
Stadion: San Siro
Bosh hakam: Sergei Karasev
Bosh sahifaga
91
