Zayniddin Tojiev ("Odil Junior U-14" bosh murabbiyi) - Bu yoshda futbolchilarning barqaror o'yin ko'rsatishiga hali ancha bor. "Lokomotiv"da xohish biroz kuchliroq bo'ldi, deya olaman. Lekin o'yinimiz tizimidan chiqib ketdi. O'yin ertalab vaqtliroq bo'lganigami bolalarimizda hayajon ham bor edi. O'z o'yinlarini ko'rsata olishmadi. Ushbu raqib bilan shu yil uch marotaba to'qnashgan bo'lsak, barchasida 2:1 hisobida g'alaba qozondik. Ular ham harakat qildi. G'alaba bilan tabriklayman.
Sunnatilla Abdurasulov ("Lokomotiv U-14" bosh murabbiyi) - Ushbu bahsga juda qattiq tayyorgarlik ko'rgan edik. CHunki Toshkent shahar chempionati finalida "Odil Junior"ga mag'lub bo'lib ikkinchi o'rinni olgandik. Qaysidir manoda alamli mag'lubiyat uchun revansh oldik. Navbatdagi o'yinlarga hozirlikni boshlaymiz. Hozirda "Aral Samali" kelmagani uchun ko'p narsa o'zgarib ketdi. Guruhdan chiqishimiz "Odil Junior" va "Paxtakor" o'rtasidagi bahsga ham bog'liq. Futbolda omad ham muhim ahamiyat kasb etadi.
Bosh sahifaga
409
2 Iyun 2026, 00:08