Live  Millatlar ligasi. Belgiya - Franciya 0:0 (matnli translyaciya)

YANGILASH

Belgiya – Franciya

Belgiya: Tibo Kurtua, Tobi Alderveyreld, Djeyson Denayer, Yan Vertongen, Timoti Kastan, Yannik Karrasko, Kevin De Bryoyne, Yuri Tilemans, Aksel Vitsel, Eden Azar, Romelu Lukaku.

Franciya: Ugo Loris, Lukas Ernandes, Jyul Kunde, Rafael Varan, Teo Ernandes, Benjamen Pavar, Pol Pogba, Adrien Rabo, Karim Benzema, Antuan Grizmann, Kilian Mbappe.

2. Dastlabki xavfli vaziyatni mehmonlar yaratishi mumkin edi, o'ng qanotdan oldingan borayotgan Mbappedan belgiyaliklar to'pni olib qo'yishdi.

UCHRASHUV BOSHLANDI! Belgiyaliklar bahsni boshlab berishdi.

Bugun Franciya tarkibida aka-uka Ernandeslar birga o'ynaydi, belgiyaliklarda ham aka-ukalar bor edi. Biroq Eden Azarning ukasi bugungi uchrashuvda maydonga tusha olmaydi.

Jamoalar maydonga chiqib kelishdi.

Bugungi uchrashuvni germaniyalik hakamlar brigadasi boshqarib boradi. Bosh hakam — Daniel Zibert. Unga qanotlarda Yan Zaydel hamda Eduard Baytinger yordam beradi. To'rtinchi hakam — Xarm Osmers. VAR referisi esa niderlandiyalik Pol van Bukel hisoblanadi.

Uchrashuv atmosferasi ajoyib!

Ikkala jamoaga oid qiziqarli malumotlar bilan tanishtirib borishga harakat qilamiz.

Belgiya oxirgi 3 uchrashuvda g'alaba qozongan

Franciya oxirgi 26 uchrashuvning 24 tasida mag'lubiyatga uchramagan

Belgiya oxirgi 5 o'yinning har birida o'rtacha 0,80 tadan gol o'tkazib yuborgan

Belgiya oxirgi 5 o'yinning har birida o'rtacha 2,20 tadan gol urmoqda

Belgiya oxirgi 29 o'yinda gol urgan

Franciya oxirgi 5 o'yinning har birida o'rtacha 1,40 tadan gol o'tkazib yuborgan

Franciya oxirgi 5 o'yinning har birida o'rtacha 1,80 ta gol urmoqda

Franciya oxirgi 7 o'yinning 5 tasida gol o'tkazib yuborgan

Franciya so'nggi 15 o'yinda gol urgan

Belgiya so'nggi uchrashuvini Belarus maydonida o'tkazib, 1:0 hisobida g'alaba qozongan, Franciya esa o'z maydonida Finlyandiyani 2:0 hisobida taslim etgan.

Jamoalar o'rtasidagi so'nggi 20 uchrashuvning 5 tasida maydon egalari zafar quchgan bo'lsa, 9 bahsda francuzlarning qo'li baland kelgan. Yana 6 o'yinda durang natija qayd etilgan.

Ikki gigant jamoa o'rtasidagi oxirgi to'qnashuv Rossiya maydonlarida o'tgan 2018 yilgi jahon chempionati yarim finaliga to'g'ri kelgan va unda Franciya 1:0 hisobida g'alaba qozongan.

Assalomu alaykum, shokoladdan shirin uyqusidan voz kechib, biz bilan futbol oqshomini kuzatib boradigan aziz muxlislar! Yaqin 90 daqiqa davomida dahshatli dramatik tomoshaning guvohi bo'lamiz.