A Seriya muxlislarining etiboriga top-liganing 7-turidan keyin paydo bo'lgan bazi qiziqarli malumotlarni taqdim qilamiz.
"Napoli" tarixda 2-bor A Seriya startidagi 7 uchrashuvni yutdi. Birinchisi – 2017/18.
"Napoli" Italiya chempionati doirasidagi qatorasiga 33-o'yinda gol urdi – bu klub rekordi.
Luchano Spalletti faoliyatida ilk bor chempionat startidagi 7 bahsni yutdi.
"Milan" g'alaba uchun 3 ochko berish boshlangan davrdan beri (1994-95) 2-bor A Seriyaning dastlabki 7 turida 19 ochko to'pladi. Birinchisi 2003/04 yilgi mavsumda ro'y bergan, o'shanda "rossonerilar" chempion bo'lishgandi.
"Milan" A Seriyaning qatorasiga 12-o'yinida mag'lub bo'lmadi: 10 g'alaba, 2 durang.
"Inter" qatorasiga 26-o'yinda gol urdi – bu klub rekordi.
"Inter" qatorasiga 12-o'yinda maydonni kamida 2 gol bilan tark etdi. Bu klub rekordi.
Edin Jeko chempionatning dastlabki 7 turida "Inter" uchun 6 ta gol urdi. Bu Ronaldo Nazariu davridan beri ilk marta (1997/98).
"Fiorentina" "Napoli"ga qarshi o'tgan so'nggi 13 o'yinning faqat bittasida g'alaba qozongan.
"Roma" 2017 yilning oktyabr oyidan beri ilk bor qatorasiga 11 o'yinda gol urdi.
"Roma" "Empoli" bilan o'tgan oxirgi 11 o'yinda engilmadi.
"Roma" hech qachon Rimda "Empoli"ga imkoniyatni boy bermagan: 12 g'alaba, 2 durang.
"Roma" o'z uyida o'tgan so'nggi 6 o'yinning barchasini yutdi. Bunaqasi 201 yildan buyon ilk bor sodir bo'ldi.
Joze Mourinyu boshqaruvidagi klublar A Seriya doirasida o'tgan qatorasiga 42-uy o'yinida yutqazmadi. Bu g'alaba uchun 3 ochko berish boshlangan davr (1994-95) uchun rekord.
"Yuventus" mart oyidan beri ilk bor o'z darvozasidan gol o'tkazmay, g'alaba qozondi.
"Yuventus" oxirgi 31 Turin derbisining faqat bittasida yutqazgan.
"Yuventus" "Torino" maydonida o'tgan qatorasiga 14-o'yinda gol urdi.
"Lacio" chempionat startidagi 7 o'yinning barchasida o'z darvozasidan to'p olib chiqdi.
"Atalanta" "Milan"ga qarshi Bergamoda o'tgan so'nggi 6 o'yinning faqat 1 tasida 3 ochko olgan.
"Bolonya" 2000/01 yilgi mavsumdan beri ilk bor chempionat startidagi 7 turda 12 gol urdi.
"Verona" A Seriya tarixida 3-bor to'rtta gol farqi bilan g'alaba qozondi.
"Verona" so'nggi 16 o'yinda birinchi marta o'z darvozasi dahlsizligini saqlab qolishni uddaladi.
"Udineze" "Sampdoriya" maydonida o'tgan oxirgi 17 o'yinning faqat bittasida g'alaba qozongan.
"Sampdoriya" o'z maydonida o'tgan qatorasiga 4-o'yinda g'alaba qozona olmadi.
Fabio Kvalyarella – qatorasiga 17 o'yinda gol urgan A Seriya tarixidagi 7-futbolchi. Altafini, Rivera, Manchini, Badjo, Jilardino va Tottidan keyin.
"Salernitana" mavsumdagi ilk g'alabasini tantana qilgan o'yinda darvozasi dahlsizligini ham saqlab qoldi.
Valter Madzarri boshchiligidagi "Kalyari" dastlabki 7 turni g'alabasiz o'tkazdi. Bunaqasi oxirgi bor 2006 yilda sodir bo'lgan edi.
Balde Keyta ("Kalyari") A Seriya tarixida eng ko'p gol urgan senegallik o'yinchiga aylanib oldi (40). U Xuma Babakarni ortda qoldirdi.
Jahon futbolining tirik afsonasi 40 yoshda!
236302418173983420 
Bosh sahifaga
751
5 Iyun 2026, 13:06