Futzal. AGMK – "Neftchi" uchrashuvidan so'ng murabbiylar fikrlari

Kunning ikkinchi uchrashuvida AGMK va "Neftchi" klublari o'zaro to'qnash keldilar va uchrashuvda olmaliqliklar 7:0 hisobida g'alabaga erishishdi. 

Quyida o'yin yakunida har ikki jamoa murabbiylari tomonidan bildirilgan fikrlar etiboringizga havola etiladi.

Farruh Zokirov ("Neftchi" bosh murabbiyi): "Jamoamiz ushbu mavsumdan Oliy ligada qatnashish huquqini qo'lga kiritdi. Tarkibda asosan, mahalliy futzalchilar jam bo'lgan. Ular o'yinlar davomida tajriba to'plab borishadi. Maqsadimiz – asosan, vodiy viloyatlaridan bo'lgan mahalliy yosh futzalchilarni ham Oliy ligada o'ynash olishlarini ko'rsatish. Bugungi o'yinni yomon boshlamadik. AGMK nomdor jamoa ekanligi yigitlarni bir oz hayajonga soldi. Guvohi bo'ldikki, har qanday jamoa bilan tengma-teng o'ynasa bo'ladi. Oldindagi o'yinlarga jiddiy ruhda tayyorgarlik ko'ramiz".

Aleksandr Petrov (AGMK bosh murabbiyi): "Avvalo, farg'onaliklarni ajoyib zalga ega bo'lganliklari bilan tabriklayman. Bunday arenalarning ko'payishi futzal rivojiga hissa qo'shadi. O'zbekiston terma jamoasining 6 nafar azosi AGMKni tark etdi. Taktik ishlanmalarni yo'lga qo'yib, yuqori maqsadlar sari intilamiz. Mezbon jamoa tarkibi yoshlardan iborat, ularga kelgusida omad tilayman. Rahbariyat etibor qaratsa, ishonamanki, jamoa albatta, o'z o'rnini topib ketadi va kuchayadi".