Uchrashuvdan so'ng “temiryo'lchilar” etakchi futzalchisi Sarvar SHoahmedov bilan suhbatlashdik.
"O'yindan oldin yigitlar bilan kelishib olgandik. “Bunyodkor”ga qarshi o'ynash qiyin bo'lishini bilardik. Ulardagi bolalar bir necha yillardan buyon birgalikda to'p tepayotgani bois ahilligini bilardik.
Biz o'yin davomida bir-birimizni qo'llab-quvvtlagan holda harakat qildik va muhim g'alabani qo'lga kiritdik. Mavsumdagi birinchi o'yini bo'lgani bois kamchiliklar kuzatildi. Keyingi bahslarda o'yin uslubimiz bir maromga keladi.
Maqsadimiz chempionlikni qo'lga kiritish hisoblanadi. Bu yil tarkibimizda yana o'zgarishlar bo'ldi. SHunga qaramay, bir-birimizni anchadan beri bilamiz. CHempionatda raqobatchi jamoalar ko'p. Imkon qadar ochko yo'qotmasligimiz lozim. “Lokomotiv” chempion bo'lib, kelgusi yilda xalqaro maydonda to'p tepishni rejalashtirgan.
Keyingi raqibimiz haqida iliq fikrlarni aytishim mumkin. CHunki “Xuaxin-Jizzax” klubi mavsum oldidan tarkibni jahon chempionatida ishtirok etib kelgan tajribali futbolchilar bilan kuchaytirdi. Qiziqarli va murosasiz o'yin bo'lishi tabiiy.
SHu o'rinda jamoamiz rahbariyatiga kattakon rahmat aytishimiz kerak. To'labek Akramov, Qobil Yunusov, Ravshan Muqimovga minnatdorchilik bildiramiz. CHunki bu insonlar klubga etibor bermoqda. Biz esa bundan xursandmiz va g'alabalarimiz bilan xushnud etmoqchimiz", – dedi Sarvar SHoahmedov.
Bosh sahifaga
795