O'rtoqlik uchrashuvi. O'zbekiston Ammanda Malayziyani yirik hisobda taslim qildi
Oldingi beshtasida bo'lgani kabi yana zafar quchdik. Yigitlarimiz o'zaro o'yinlardagi to'plar nisbatini 24:3 ko'rinishiga keltirib qo'yishdi.
Etiborli jihati, mazkur bahs 4 nafar futbolchi uchun milliy jamoamiz libosidagi debyutga aylandi. Bugun AGMK posboni Valijon Rahimov, "Nasaf" vakillari Dilshod Saitov va Husayn Norchaev, BATE vingeri SHohboz Umarov terma jamoada o'ynash masuliyatini 1-marta his qilib ko'rishdi.
SHuningdek, Husayn Norchaev, Ibrohimhalil Yo'ldoshev va Azizbek Amonov terma jamoa tarkibida ilk bor gol urishdi.
Dostonbek Hamdamov terma jamoa libosida ilk dublini rasmiylashtirgani bilan yodda qoldi. Bundan tashqari, u terma jamoa safida deyarli 1 yillik tanaffusdan keyin gol urganini ham alohida takidlash kerak.
Doston so'nggi bor o'tgan yilning noyabr oyida Iroq terma jamoasi darvozasini ishg'ol qilgandi. Bugun Hamdamov 2021 yildagi 2 va 3-gollarini urgani ham ahamiyatli. "Xatta" tarkibida 1 ta gol urib, Toshkentga qaytgan futbolchining "Paxtakor"dagi ishlari yurishmayotgan edi.
Husniddin Aliqulov bugun milliy jamoada 3-o'yinini o'tkazdi. Etiborli jihati, termamiz "Nasaf" himoyachisi o'ynagan 3-bahsda ham zafar quchdi.
Azizjon G'aniev deyarli 1 yillik tanaffusdan keyin yana terma jamoa safida maydonga tushdi. "SHabab Al Ahli" xavbekining oxirgi o'yini o'tgan yilning noyabr oyida o'tgan Srechko Katanec boshchiligidagi Iroqqa qarshi bahs bo'lgandi (1:2).
Bugun maydonga tushgan futbolchilarimizdan transfer bahosi eng yuqorisi Eldor SHomurodov hisoblanadi. Transfermarkt portali "Roma" forvardini 7 mln evroga baholamoqda. Malayziya bilan o'yinda harakatlanganlar orasida transfer qiymati eng past futbolchimiz esa Valijon Rahimov edi. AGMK golkiperi 250 ming evroga baholangan.
17 gol, antirekord va Superliga yo'llanmasi — 20-tur haqida
Bosh sahifaga
529