Ana xolos. Paxtaobodlik futbolchilar maydonni nega muddatidan avval tark etdi?

Xususan, Andijon viloyati ikkinchi ligasida ham kuni-kecha kutilmagan xolat yuz berdi. Gap shundaki, viloyat birinchiligidan o'rin olgan “O'zTongXongKo” – “Paxtaobod” uchrashuvining 65-daqiqasida mehmonlar o'z noroziliklarini bildirib, butun jamoa bo'lib maydondan chiqib ketgan. “Paxtaobod” jamoasining etakchi o'yinchisining aytishicha, o'yinni boshqarib borgan hakamning qarorlari jamoadoshlarini qattiq ranjitgan.  

Championat.asia saytiga malum bo'lishicha, mazkur bahsni boshqarib borish Lochin Dolimov zimmasiga yuklatilgan. Ammo keyinchalik o'zgarish bo'lib, “O'zTongXongKo” – “Paxtaobod” uchrashuviga Bekzod To'lqinov hakamlik qilib borgani aniqlandi. SHunga qaramay, Andijon viloyati futbol associaciyasining telegram kanalida, o'yinni Lochin Dolimov boshqarib borgani yozib ko'rsatilgan.