"Karim "Oltin to'p"ni qo'lga kiritishi mumkin. Kimdir sovrinlar haqida gapirishi mumkin. Bu muhim jihatlardan biri xolos, lekin individual harakatlarni ham unutmaslik lozim, futbolchi mahorati, atrofdagilarga ijobiy tasir ko'rsata olish, feyr-pley va boshqalar. Etakchilikni qo'lga olish, atrofdagilarga ijobiy tasir ko'rsata olishda va feyr-pleyda Benzemaga teng keladigan futbolchilar juda kam.
Bu yil u avvalgilardan ko'ra kuchliroq, nozik did bilan va texnik tomondan ham yuqori saviyada o'yin ko'rsatmoqda. Misol uchun uning yaqinda Millatlar Ligasida Belgiya va Ispaniya termalari darvozasiga urgan gollarini olaylik. U statistika bo'yicha ham eng yaxshilardan, yangi mavsumda esa butun Evropada eng yaxshi "to'qqizlik". SHunchaki unda bu yil Evro yoki CHempionlar Ligasi sovrini yo'q. Biroq Benzema ECHLni qo'lga kiritgan mavsumlarida ham bu qadar yaxshi o'ynamagandi. Krishtianu Ronaldu "Real"dan ketgach, Karim o'zining yangi qirralarini kashf etib, yangi darajaga chiqa oldi.
"Oltin to'p"ni o'z statistikasi sabab qo'lga kiritgan futbolchilar bo'lgan-ku. Krishtianu Ronaldu – ulardan biri. U juda ajoyib edi.
Messi iqtidorliroq, mahoratliroq. Ammo bu ikki "mahluq" qarib qoldi, ular ko'p narsani boshdan o'tkazishdi, ammo hozir ular "Oltin to'p" uchun kurashda ishtirok etmayapti. Sovrinni Benzemaga bering, u bunga loyiq", – dedi Roten.
Bosh sahifaga
147
