Lemar "Atletiko" bilan shartnomani uzaytiradi, Oblak bilan esa muzokaralar davom etmoqda

Bu haqda italiyalik jurnalist Matteo Moretto xabar bermoqda.

Yarim himoyachi Toma Lemar jamoada qoladi. U yangi shartnoma imzolaydi. Darvozabon Yan Oblak bilan esa muzokaralar davom etmoqda. Darvozabon bilan kelishuvga erishish uchun ko'proq vaqt talab etilishi kutilmoqda.

Ikki futbolchining ham shartnomasi 2023 yilda yakuniga etadi. 28 yoshli Oblak joriy mavsum "Atletiko" tarkibida 10ta o'yinda maydonga tushib, 7ta to'p o'tkazib yubordi va 4 bor "quruq" o'yin o'tkazdi. 25 yoshli Lemar esa 7ta o'yinda maydonga tushib, 2ta gol va 2ta assist qayd etdi.