O'yin haqida
Uchrashuv yaxshi ruhda o'tdi, yigitlar yaxshi harakat qilishdi. Agar barcha imkoniyatlardan foydalanilganda, bundan-da yirikroq hisob qayd etilishi mumkin edi. To'rtinchi golni urganimizda, o'yin mutlaqo boshqacha bo'lishi mumkin edi. SHunga qaramasdan, bundan buyog'iga barcha o'yin qiyin bo'ladi, "Mashal"ga ham ochko kerak edi, ular ham qo'ldan kelganicha harakat qildi. Umuman olganda, jamoamiz yaxshi o'yin ko'rsatib, haqli g'alabaga erishdi.
- Jamoa bugun uchta gol urgan bo'lsa ham himoyadagi xatolar bartaraf qilinmayapti. Bu borada qanday ishlar amalga oshirilmoqda?
Bu futbol, unda xatolar bo'ladi. Agar hech kim xato qilmasa, gol ham bo'lmaydi. Lekin har bir o'yinni kuzatib, mashg'ulotlarda buning ustida ishlashda davom etamiz. Nafaqat himoya, balki hujumchilar ham mavjud imkoniyatlardan foydalana olganda, o'yin mutlaqo boshqacha bo'lishi mumkin edi. Xatolar baribir ko'rib chiqiladi.
- PFL bu yildan qishgi transfer oynasidagi transferlar limitini o'ntaga tushirdi. Biroq, adashmasam, 8 dekabrgacha istalgan futbolchi bilan shartnoma imzolashi mumkin. Bu borada qanday ishlar amalga oshirilmoqda?
Har doim jamoani kuchaytirishga urinishlar bo'ladi, buni bosh murabbiy hal qiladi. Boshqalar qatori bizning jamoada ham buning ustida harakatlar olib borilmoqda.
- Elven Fortes ikki o'yindan beri qaydnomaga kiritilmagan. U bilan bog'liq biror muammo bormi? Dilshod Jo'raev ham maydonga tushmadi...
Elven Fortes oilaviy muammosiga ko'ra, uyiga ketishiga ruxsat berildi. U klubdan hozircha ketgani yo'q. Dilshod Jo'raev esa shamollash sababli bugungi bahsda qatnasholmadi.
Bosh sahifaga
108
