"O'yinni parvozli start bilan boshladik. Goldan keyin himoyada xatoga yo'l qo'ydik. Himoyadagi sustkashligimiz tufayli "Qizilqum" ko'p bor hujumga o'tdi. Ularda 3-4 ta yaxshi imkoniyat bo'ldi. Tanaffusda birinchi taymni tahlil qildik va ikkinchi taymda bunday kamchiliklar uchramadi. G'alaba orqali chempionlikka katta qadam tashladik.
Birinchi jamoa bo'lib o'ynadik. Biz milliy terma jamoaga 5 nafar o'yinchini yubordik, ulardan 3 tasi jarohat bilan ortga qaytdi. SHu sababli asosiy tarkibda bazi pozicion o'zgarishlarga qo'l urdik. "Qizilqum"ga 4 ta gol urish oson ish emas.
Penalti ham baribir o'yinga taalluqli jarayon, o'yin ichidagi holat. Biz uzoq vaqtdan beri birinchi marta penalti tepdik.
Birinchisini ko'rolmadim, lekin ikkinchi holat aniq ko'rindi, "Qizilqum" futbolchilari ham etiroz bildirishmadi. CHiroyli uyushtirgan hujumimiz qo'pollik evaziga to'xtatib qo'yildi. Dragan CHeranni alohida qayd etib o'tgan bo'lardim. U o'yinning haqiqiy qahramoniga aylandi.
Daraja borasida boshqa jamoalar va "Paxtakor" o'rtasidagi farq juda katta, deya savol berishingiz noto'g'ri deb o'ylayman. Barcha jamoalar yaxshi darajada. Bu yil biz o'yinlarni qiynalib yutganimiz, ko'p o'yinlarda kichik hisobda g'alaba qozonganimiz bundan darak berib turibdi. Har bir o'yinda kurash kechyapti, hamma jamoa ham siz o'ylagandek kuchsiz emas. "Nasaf"ni ko'rib turibsiz, OFK kubogida qanday o'ynayotganini. "Qizilqum" ham oxirgi 5-6 turda zo'r futbol namoyish etyapti. Bundan tashqari, AGMK ham OCHLda yaxshi o'ynadi. CHempionat darajasini past baholamanglar. Kurashlarga boy mavsum o'tayotgani yosh o'yinchilarimiz uchun foydali. Hali OCHLda bu qo'l keladi. "Andijon"ga qarshi o'yinni yomon o'tkazdik. 4 tur oldin chempionlikka yaqin turganimiz jamoalar kuchsizligidan emas.
Mavsum davomida o'yin taraflama yaxshi va yomon ko'ringan davrlarimiz bo'ldi. Eng muhimi – aytib o'tganimdek, jamoada kurashuvchanlik ruhi o'sayotganini aytib o'tgan bo'lardim. Yosh yigitlarda o'ziga xos xarakter shakllanib bormoqda. Bu ularning o'zi uchun ham, jamoa uchun ham juda zarur.
O'tgan yilgi jamoa bilan bu yilgisini taqqoslamagan bo'lardim. Tarkib va moliyaviy tomondan ham farq sezilarli.
Hozirgi tarkib OCHLdagi orzuni amalga oshirishga etarli bo'ladimi? Yo'q, aynan shu tarkib bilan juda qiyin bo'ladi. Katta natija qo'lga kiritishni istasak, albatta, tarkibni kuchaytirishimiz lozim", – dedi Piter Xyuistra.
Bosh sahifaga
164
