SHuhrat Maqsudov: "O'yin jangovar tarzda o'tdi"

"O'yin jangovar tarzda o'tdi. SHunday bo'lishi kutilgandi. O'zim futbol o'ynab yurgan paytimda ham Namanganda o'yinlar shunday o'tardi. "Navbahor" va uning muxlislarini g'alaba bilan tabriklayman.

Farruh Ikromovning sog'lig'i yaxshi, Italiyaning Rim shahrida operaciyani boshdan o'tkazib, qaytib keldi. O'zbekiston futbol associaciyasiga ushbu jarrohlik amaliyotini o'tkazishda bergan yordami uchun rahmat aytaman. Ikkinchi taymda gol urganimizdan keyin tajribali futbolchilarimiz kamligi tasir o'tkazdi. Bu – hayot, bu – sport, futbolchilar shu kabi xatolar tufayli o'sishga erishadi. Yigitlarga rahmat aytaman. Sportda xatolar uchrab turadi.

Xudoga shukur, moliyaviy masalalar hal bo'lyapti. Rahbarimiz futbolga juda qiziqadilar, jamoadan xabar olib turadilar. Lekin yil boshida futbolchi ololmadik, shu bois asosan, akademiyadan chiqqan yoshlar bilan o'yin o'tkazishga majbur bo'ldik. "Bunyodkor" o'z oldiga yuqori maqsadlarni qo'yadi, shuning uchun tarkibga kuchli futbolchilarni jalb qilish lozim. Keyingi mavsumda hammasi yaxshi bo'ladi, degan umiddaman", – dedi "qaldirg'ochlar" ustozi.