Viktor Kumikov shogirdlari so'nggi daqiqalarda gol urib, mag'lubiyatdan qutulib qoldi. Uchrashuv yakunlangach, mehmonlar etakchi futbolchisi Usmonali Ismonaliev bilan suhbatlashdik.
- “Lokomotiv”ga qarshi o'yindan olgan taassurotlaringiz qanday?
- Qiziqarli o'yin bo'ldi. Biz so'nggi daqiqalarga qadar kurashdik. Bu o'yinda ochko ishlab olishimiz muhim edi. “Lokomotiv” o'z maydonida to'p tepayotggani sababli ochko olish ham foydali hisoblanardi. Lekin biz maydonda g'alaba uchun chiqdik. Yaratilgan imkoniyatlarimizdan foydalana olmadik. Ochko olishimiz va uyga muvaffaqiyat bilan qaytishga bo'lgan ishtiyoq yuqori edi. Yigitlarga ham minnatdorchilik bildiramiz. Ular tirishqoqlik bilan oxirgi soniyalarga qadar kurashdik va taslim bo'lmadik. Umuman olganda, qayd etilgan natijadan xursandmiz.
- Nima deb o'ylaysiz, “Andijon” bugun mavsumdagi eng yaxshi o'yinini o'tkazdimi?
- Yo'q. Men bunday deb o'ylamayman. CHunki “Lokomotiv”ga qarshi bahsning birinchi bo'limida o'zimiz istagan darajada harakat qilmadik. Tanaffusdan so'ng o'z darajamizda o'ynadik. O'ylashimcha, mavsumdagi eng yaxshi o'yinlarimiz oldinda deb o'ylayman.
- “Andijon”ning Superligada qolish imkoniyatini qanday baholaysiz?
- Ishonamanki, biz Superligada qolish vazifasini uddalaymiz. Rahbariyat bizni qo'llab-quvvatlamoqda. Qolgan o'yinlarimizda ijobiy natija ko'rsatib, kerakli miqdordagi ochkolarni qo'lga kiritamiz degan umiddaman. Keyingi turdagi raqiblarimiz kim bo'lishidan qatiy nazar, g'alaba uchun maydonga chiqamiz. Muxlislarimizni xursand qilish istagidamiz.
Bosh sahifaga
746
18 Iyun 2026, 00:31