"O'yinga yaxshi tayyorgarlik ko'rgandik. "Paxtakor" mamlakatimizning eng kuchli klublaridan biri, menimcha hozirda eng kuchlisi desak ham bo'ladi. Bahs kurashlarga boy, qiziq o'tdi. Stadionga kelgan muxlislar menimcha zerikib qolishmadi. Bizda ham yaxshi imkoniyatlar bo'ldi, qaerdadir omadimiz kelmadi, qaerdadir raqib tajribasi as qotdi. G'alaba qozonganimizda yaxshi bo'lardi, "Paxtakor"ni yarim finalga chiqqani bilan tabriklayman", - deydi Timur Kapadze.
- Menimcha bugun Quvvatov faoliyatidagi eng zo'r seyvlarni namoyish etdi...
- To'g'ri, menimcha Abdumannonov va Mamasidiqovning zarbalaridan keyingi seyvlarini ko'rdik. Quvvatov qanday darajada ekanligini bilamiz, terma jamoaga nomzod posbon. Futbol xatosiz gol bo'lmaydi, bugun raqib xato qilmadi, ayniqsa Quvvatov.
- "Olimpik" mavsum davomida yaxshi o'yin namoyish etmoqda. Agar futbolchilarga Superliga klublaridan taklif bo'lsa ularni qo'yib yuborishga tayyormisiz?
- Eng birinchi vazifam, yigitlarni yaxshi darajaga olib chiqish va terma jamoaga munosib futbolchi bo'lishini taminlash. Agar yaxshi takliflar bo'lsa va o'sha klublarda futbolchilar rostdan ham o'sishiga ishonsak albatta ularga qarshilik qilmaymiz.
Timur Kapadze: "Bugun "Paxtakor" xatoga yo'l qo'ymadi, ayniqsa Quvvatov"
/ Kiritdi: BestMaster O'qilgan: 56
Bosh sahifaga
75
