Hozirda Filiposyan Tailandning “Muangkan Yunayted” klubida o'ynamoqda. Futbolchi bilan bog'lanib, “Nasaf”ning OFK kubogi finaliga chiqishi va Tailanddagi faoliyati borasida bog'landik.
- “Nasaf”ni finalga yo'llanma olganidan juda xursand bo'ldim. Ular haqli ravishda bunga erishdi. Klubning barcha futbolchi va murabbiylari bu yutuq bilan muborakbod etaman. Finalda ham omad yor bo'lishiga tilakdoshman.
- “Nasaf” finalda jiddiy raqib “Al-Muharraq” klubiga qarshi maydonga tushadi. Sobiq jamoangizni finaldagi imkoniyatini qanday baholaysiz?
- Finalda imkoniyat 50ga 50 degan bo'lardim. Final bahslari har doimo ham oson kechmaydi. CHunki bu bosqichgga etib kelgan jamoa g'oliblik uchun borini maydonga tashlaydi. Raqibi ham chakki emas. SHunday bo'lsa-da, men “Nasaf”ga to'liq ishonaman. Ular O'zbekistonga OFK kubokini olib kelishadi va xalqimizga tarixiy yana bir lahzani tuhfa qilishadi.
- 2011 yilda siz “Nasaf” bilan OFK kubogida g'oliblikni qo'lga kiritgansiz. O'shanda jamoa nimaning evaziga g'oliblikni qo'lga kiritgandi?
- O'sha yili tarkibimiz juda kuchli edi. Qolaversa, Anatoliy Demyanenko “Nasaf”ni juda yaxshi shakllantirgandi. Ahillik va birdamlik evaziga o'shanja g'oliblikni qo'lga kiritgandik. O'sha vaqtni juda yaxshi eslaymiz. Ishonamanki, bu safar “Nasaf” yana chempionlikni qo'lga kiritadi va xalqimizga bayram shukuhini ulashadi.
- Bugungi kunda Tailandda to'p tepmoqdasiz. U erdagi faoliyatingizdan qoniqish hosil qilyapsizmi?
- Hozirda Tailanddagi faoliyatimdan qoniqish hosil qilyapman. Jamoamiz oldiga chempionlik vazifasi qo'yilgandi. Natijalarimiz yaxshi bo'lmayotgani tufayli klubimiz birinchi ligada qolish uchun harakat qilmoqda.
SHu o'rinda jarohat olgan Husniddin Aliqulov haqida gapirmoqchiman. U finalda ishtirok eta olmasligini eshitib hafa bo'ldim. U tezroq sog'ayib ketishiga tilakdoshman. "Nasaf" futbolchilari Aliqulov uchun ham finalda g'oliblikni qo'lga kiritishiga ishonaman.
Bosh sahifaga
215
25 Iyun 2026, 01:12