"Hammasini ko'rdingiz. Ochko juda zarur edi. Garchi g'alabaga munosib o'ynamagan, vaziyatlar kam yaratgan bo'lsakda 1 ochko ishladik. Ikkinchi bo'limda legioner hujumchimizda vaziyat yuzaga kelgandi. Oxirgi 3ta uchrashuvda mag'lubiyatga uchragan edik. Endi esa ochko ishlashni uddasidan chiqa oldik. Bu bizga yordam beradi, deb o'ylayman. Har bir o'yinga finaldek munosabatda bo'lyapmiz. Harakat qilamiz, ishlaymiz. Yigitlarga etirozim yo'q. To'g'ri biroz agressivlik etishmayapti",- deydi Aleksandr Xomyakov.
- "Mashal" o'z maydonida ishonchli o'ynaydimi yoki safarda?
- Safarda bizga qarshi hujumkor va tajovvuzkor o'ynashadi. Qarshi hujumlarda imkoniyatimiz bo'ladi. Uyda esa to'p bilan ko'proq muomalada bo'lishimiz talab qilinadi. Hujumlarda ijodkorlik etishayotgani yo'q.
- "Navbahor" bilan durang sizni qoniqtirdimi?
- "Navbahor" kuchli jamoa. Ular yaxshi himoyalanadi. G'alaba uchun o'ynamaganimiz ko'rindi. Lekin ayni paytdagi holatimizda bir ochkoni qo'lga kiritish yomon emas.
Bosh sahifaga
277
27 Iyun 2026, 14:49