“Qo'qondan ochko bilan qaytishni istagandik. Afsuski, hakamlar chiqargan bazi tushunarsiz qarorlar rejalarimizni buzib tashladi. O'yindan keyin matbuot anjumanida bosh murabbiyimiz aytgan fikrlarga qo'shilaman. Biz Qo'qonga katta maqsadlar bilan kelgandik. Natija uchun oxirigacha kurashdik. Hakam esa kutilmagan qarorlari bilan o'yinni “buzib” qo'ydi.
Bu bilan o'zimizni oqlamoqchi emasman. Biroq hakamning tushunarsiz qarorlarii bizni ruhan “sindirdi”. Oxirgi vaqtlarda matbuotda hakamlar mavzusi juda keng muhokama qilinmoqda.
Mavsum boshida “Lokomotiv” sovrinli o'rinlar uchun kurashga qo'shilgandi. Bugungi mag'lubiyatdan keyin 3-o'rin uchun imkoniyatlarimiz juda kamayib ketdi. Biroq biz professionalmiz va oxirigacha kurashamiz. Navbatdagi uchrashuvlarda ijobiy natija qayd etish uchun maydonga tushamiz.
Sekeyra haqida nimalarni aytishim mumkin? U ajoyib mutaxassis. Evropacha futbolni jamoamizga olib kirdi. Unga ko'proq vaqt berish kerak. Bunday darajadagi mutaxassislarni taklif qilish bizning futbolimizga foydali”, - deya so'zini yakunladi Muhammadiev.
Bosh sahifaga
288
27 Iyun 2026, 19:26