Final arafasida mutaxassislar, ekspertlar o'z munosabatlari bilan bo'lishayotgan pallada biz AGMKning tajribali futbolchisi Akmal SHorahmedovning fikrlari bilan qiziqdik.
"AGMK bilan ikkinchi bor finalga chiqdim. Undan oldin esa "Paxtakor" safida hozirgi jamoamga qarshi o'ynagandim. Kubok bitta uchrashuvdan iborat bo'lgani sababli kuch topsa bo'ladi. "Paxtakor" kuchli jamoa ham milliy terma jamoamizning o'zagini tashkil qiladigan futbolchilar jamlangan. Ertaga o'tgan yilgi xatolarni takrorlamaslikka harakat qilamiz va g'alaba uchun maydonga tushamiz. Finalning Namanganda o'tayotgani ham qaysidir manoda yaxshi deya olaman. Munosib harakat qilib kubokni qo'lga kiritish uchun borimizni beramiz.
Bunday sharoitda deylik o'tgan yili liga kubogi finalida ettinchi dekabr sanasida o'ynagandik. Lekin, u payt hozirgidek sovuq emasdi. Faoliyatimda mavsumlar bunchalik cho'zilib ketmagandi. Sovuqda ko'pchilik kasal bo'lib qolyapti. Har bir o'yindan so'ng kimlarnidir isitmasi chiqmoqda. Ko'p joylarda kiyinish xonalarida dushlari sovuq. Vodiyda futbol muxlislari ko'p. Faqat Namangandan emas, Farg'ona va Andijondan ham muxlislar kelishadi. Ishqibozlar ajoyib muhit yaratishsa biz ular uchun yanada yaxshiroq o'ynashga harakat qilamiz",- deydi Akmal SHorahmedov.
Jahongir Fayzullaev yozib oldi, Namangandan "Shampionat asia" sayti uchun mahsus
Bosh sahifaga
2602