Murod To'ychiboev: "Jamoaga moslashib ketishda qiyinchilik bo'lgani yo'q"

Jamoa asosiy tarkibiga kiritilayotgan futbolchi oxirgi turlarga kelib jarohati tufayli maydonga tushmayapti. Xo'sh, u qachondan jamoaga qaytadi? Bu haqda futbolchi bilan suhbatlashish vaqtida javob oldik.

- Kechadan jamoa mashg'ulotlariga qo'shildim. Bungacha yakka tartibda tiklanish mashg'ulotlarini o'tkazdim. Jarohatdan keyin avvalgi sport formani tiklab olishgacha qiyinchiliklar bo'ladi. “Qo'qon-1912” bilan bahsning oxirgi daqiqalarida jarohat olgandim. SHundan keyin uni tiklashga katta ahamiyat berdim va sabr bilan shifokorlar bergan ko'rsatmalar asosida tiklandim. Muhimi, hammasi ortda qoldi.

Ilgari ham mana shunday jarohatlar bo'lgan. Bundan aslo xafa bo'lish yaramaydi. Futbolchining qismatida jarohatlar bo'lib turadi. Faqatgina, undan tezroq qutilish muhimdir.

Davralar oralig'ida “Surxon”ga kelib qo'shildim. Jamoaga moslashib ketishda qiyinchiliklar bo'lgani yo'q. Mavsumning qolgan o'yinlarida jamoaga yordam berishga tayyorman", - deydi Murod To'ychiboev.