O'sha yili Baxtiyor Ashurmatov murabbiyligidagi AGMK jamoasi o'z tarixida ilk bor O'zbekiston kubogida g'olib chiqqandi. Ushbu muvaffaqiyat qanday qo'lga kiritilgandi? Ertaga kimning imkoniyatlari yuqori? Biz bu borada mutaxassis fikriga quloq tutdik va AGMK bilan o'z vaqtida kubok finalida "Paxtakor"dan ustun kelgan Baxtiyor Ashurmatovga yuzlandik.
"Ertangi o'yinda katta ehtimol bilan "Paxtakor" g'alaba qozonadi. CHunki, hozirgi paytda "Paxtakor" O'zbekistonda boshqa jamoalardan har tomonlama kuchli. AGMK agar g'alaba qozonsa haqiqiy mo'jiza bo'ladi. Foiz xisobida 90/10 "Paxtakor" foydasiga. Natija qanaqa bo'lishidan qatiy nazar ikkala jamoa ishtirokida ham chiroyli futbol kutib qolamiz.
2018 yil AGMKning g'alabasiga hech kim ishonmagan edi. "Paxtakor" esa g'alaba qozonamiz deb katta ishonch bilan kelgan. Ko'pchilikning bizga ishonmagani bizga qo'l kelgan edi deyishim mumkin. O'yinga chiqishdan oldin ruhlantirishda futbolchilarga: bizga xech kim ishonmayapti, o'yindan oldin bizni mag'lub bo'lgan jamoaga chiqarib qo'yishdi, finalda esa biz jamoa sifatida nimaga qodir ekanligimizni isbotlash uchun ajoyib imkoniyat deganman. Yigitlarga o'z g'ururimiz, jamoa shani uchun kurashishlarini iltimos qilgan edim. Bu o'yinda g'alaba qozonishimizga sabab kuchli ruhiy tayyorgarlik, maydonda tinimsiz mehnat, yakkakurashlarda g'olib chiqish va futbolchilar bilan bir birimizga bo'lgan ishonch, jamoadagi ahillik, o'yindagi intizom sabab bo'lgan",- deydi Baxtiyor Ashurmatov.
Bosh sahifaga
2342