Bu yil ham nafaqat o'tgan yil, balki 2018 yil mavsumdagi kabi O'zbekiston Kubogi finalida AGMK va "Paxtakor" o'zaro bahs olib boradi. O'tgan yil "Lokomotiv" stadionida kechgan bahsda AGMK 0:3 hisobida mag'lub bo'lgandi.
Undan oldingi yil Farg'onada bo'lib o'tgan Kubok finalida AGMK 3:1 hisobida zafar quchib o'z tarixida ilk bor Kubokni qo'lga kiritgan. Lekin, u payt jamoa bosh murabbiyi Baxtiyor Ashurmatov edi.
2019 yildan AGMK boshqaruvi Mirjalol Qosimov qo'liga o'tdi. O'tgan yil olmaliqliklar Qosimov qo'l ostida "Paxtakor"ga qarshi 4 marta rasmiy o'yinda maydonga tushib, barchasida mag'lub bo'lishdi. Superligada 0:3 va 1:4, Kubok finalida 0:3, Liga Kubogi finalida 2:6.
Bu yil hisobidan jamoalar Superligada o'zaro kurashib, "Paxtakor" stadionida kechgan bahsda 2:2 qayd etildi. AGMK maydonida bo'lib o'tgan ikkinchi davra uchrashuvida "Paxtakor" raqibini 6:0 hisobida mag'lub etdi.
Ko'rinib turibdiki, Mirjalol Qosimov AGMK bosh murabbiyligini qo'lga olganidan beri SHota Arveladze boshchiligidagi "Paxtakor"ga qarshi shu paytgacha 6 bor jamoani maydonga olib tushgan. SHundan bittasida durang va 5 marta mag'lubiyat qayd etilgan. To'plar nisbati: 6-24.
Ertaga har ikki murabbiy o'rtasidagi 7-to'qnashuv guvohi bo'lamiz. SHu o'rinda muxlislarni qiziqtirayotgan savol: Qosimov AGMK bosh murabbiyi etib tayinlanganidan beri ilk bor gruziyalik murabbiyni mag'lub etadimi yoki Arveledze "Paxtakor" bilan ikkinchi bor O'zbekiston Kubogini qo'lga kiritadimi? Buni albatta ertangi final yakunida bilib olamiz.
Bosh sahifaga
80
