“Gazchilar” 23-turda o'z maydonida “Navbahor”ga qarshi o'ynaydi. Mazkur o'yinda 0:0 hisobi qayd etildi. Mazkur uchrashuvda "Mashal"ning markaziy himoyachisi Najmiddin Normurodov maydonda boshqalarga nisbatan faolligi bilan ajralib turdi. SHu bois iqtidorli futbolsi championat.asia talqiniga binoan turning ramziy terma jamoasiga kiritildi.
- “Navbahor” bilan bo'lib o'tgan o'yindan keyingi taassurotlaringiz qanday?
- Mazkur uchrashuvdan oldin “Navbahor”ning qanday jamoa ekanini bilgan holda mashg'ulotlarda puhta tayyorgarlik ko'rgandik. Bahs ancha jangovar va kurashlarga boy bo'ldi. Deylik, bizda gol urish uchun imkoniyatlarimiz bo'ldi. Afsuski, undan foydalanish vaqtida omadimiz kelmadi. Qolaversa, raqibimiz ham ancha yaxshi o'yin ko'rsatdi.
- Sizningcha, “Mashal”ning bu mavsumda barqaror o'ynay olmayotganiga nima sabab bo'lmoqda?
- Tarkibimizda yo'qotishlar tufayli biz o'z darajamizda o'ynay olmayapmiz. Deylik, bazida jarohatlar sababli ko'p o'yinchilarimiz maydonga tusha olmayapti. Ayrim holatlarda esa sariq kartochkalar ko'pligi bois, asosiy tarkibimiz futbolchilari maydonga chiqa olgani yo'q. SHu jihatidan olib qaralsa, bosh murabbiyimiz optimal tarkibdan foydalanish vaqtida qiyinchiliklarga duch kelmoqda. Tabiiyki, bu bizning natijalarimizga o'z tasirini ko'rsatmasdan qolmayapti.
- Ortda qolgan 23-turdan keyin “Mashal”ning turnir jadvalidagi holati ancha jiddiylashdi. Jamoangizning Superligada qolish imkoniyati qanday deb o'ylaysiz?
- Hali oldimizda o'yinlar bor. 23-turdan keyingi holatimizga kelib chiqib, havotirga tushmasligimiz kerak. CHunki hali o'yinlarimiz bor va ushbu bellashuvlarda g'alaba qozonib, o'zimizga kerakli miqdordagi ochkolarni jamg'ara olamiz. Bu orqali esa “Mashal” Superligada qola oladi. Keyingi o'yinlarga puxta tayyorgarlik ko'ramiz.
- Kelgusida yilda ham “Mashal”da qolasizmi yoki boshqa jamoaga yo'l olishingiz mumkinmi?
- “Gazchilar” bilan shartnomam muddati 2022 yilning dekabriga qadar mo'jallangan. Mavsum yakuniga etganidan so'ng barchasi malum bo'ladi. Katta ehtimol kelasi yilda ham “Mashal”da to'p tepaman.
- Ramziy terma jamoaga tushishingizni kutganmidiz?
- To'g'risini aytsam, kutmagandim. Saytda bu haqda ko'rib, xursand bo'ldim.
Bosh sahifaga
106
