Abror Xusinov: “Aral Samali"ga qarshi o'yinlar biz uchun derbidek gap”

- Bu o'yin biz uchun derbi hisoblanadi, - deya gap boshladi Xusinov. Turnir jadvalida kim qaysi o'rinda turishidan qatiy nazar, ushbu bellashuvda g'alaba qozonish muhim ahamiyatga ega hisoblanadi. Mehmonda o'ynayotgan bo'lsak-da, g'alaba qozonish uchun maydonga chiqdik. Asosiysi, bu o'yinda g'alaba qozondik.

- Sizningcha, jamoa o'z oldiga qo'ygan maqsadlariga erisha oldimi?
- Bu mavsum har bir o'yinda g'alaba qozongan holda turnir jadvalida yuqori o'rinlarning birini egallash vazifasi qo'yilgandi. Deylik, o'z vaqtida keragidan ortiq ochkolarni ham boy berdik. Bazida o'z darajamizda o'ynay olmadik.

- “Xorazm”da qolasizmi yoki kelgusi yilda faoliyatingizni boshqa jamoada davom ettirasizmi?
- Hozircha bu haqida o'ylashgan vaqt bor. CHunki oldinda bizni bir nechta o'yinlar kutmoqda. Barchasiga mavsum yakunida javob olish mumkin.

- Bu yilgi Pro-liga o'yinlari sizda qanday taassurot qoldirmoqda?
- Juda yaxshi. Pro-liganing joriy mavsumida ishtirok etayotgan har bir jamoa kuchaygan. Birorta bahs oson kechgani yo'q. Bir ochko olish uchun ham katta qiyinchiliklarga duch kelmoqdamiz. Qisqasi, chempionat saviya oshgan va bu o'yinlarni qiziqarli va murosasiz kechishiga zamin yaratmoqda.

- Sizda qaysi jamoalar yaxshi taassurot qoldirdi?
- Deyarli hamma jamoalar yaxshi taassurot qoldirdi. “Neftchi” haqli ravishda chempionlikka erishdi. CHunki ular mavsumni bir tekis o'tkazdi. SHuningdek, “Olimpik” klubi ham yosh bo'lsa-da, chakki emas.