O'yin haqida
- O'yin teng kurashlar ostida kechdi. Biz himoyada yo'l qo'ygan xatolarimiz evaziga yutqazdik. Birinchi bo'limda bizga agressivlik etishmadi. “Bunyodkor”ga o'xshagan jamoalarga qarshi bahslarda birinchi bo'lib gol ura olmasang, keyin qiyin bo'ladi. SHu jihat bizning mag'lubiyatimizga sabab bo'ldi. Tanaffusdan keyin o'z darajamizda o'ynay boshladik. Afsuski, ikkinchi marotaba to'p olib chiqishimiz bizga qimmatga tushdi.
- “Surxon”ning ikkinchi golini urishiga nima etishmadi?
- O'ylashimcha, vaqt etishmasligi tufayli biz o'yinda ikkinchi golimizni ura olmadik. Balki ko'proq vaqtimiz bo'lganida “Bunyodkor” darvozasini ikkinchi marotaba ishg'ol qilgan bo'lardik.
- Endilikdagi jamoaning maqsadlari qanday?
- Kubokdan chiqib ketganimizdan keyin bor etiborimizni Superliganing qolgan bahslariga qaratamiz. Superligada qolish uchun kurashmoqdamiz. Navbatdagi raqiblarimiz ham oddiy emas. 200 foiz kuch bilan harakat qilmasak bo'lmaydi. Qolgan o'yinlarimizda ijobiy natijalar ko'rsatgan holda jamoamizni Superligada olib qolmoqchimiz.
Bosh sahifaga
247
7 Iyul 2026, 05:39