Bellashuvlarda mamlakatimizning barcha viloyatlaridan kelgan futbol mahorat maktablari vakillari ishtirok etishdi. SHunisi quvonarliki, bu musobaqalarda Farg'ona viloyatidan bitta emas, 2 ta jamoa, yani, "Neftchi" bolalar va o'smirlar futbol maktabi hamda Farg'ona futbol mahorat maktabi jamoalari qatnashdi.
Iqbol Akramov rahbarligidagi "Neftchi" BO'FM jamoasi musobaqada yuksak mahorat egasi ekanligini isbotladi. Final uchrashuvida Namanganning FMM jamoasini 2:0 hisobida mag'lubiyatga uchratib, O'zbekiston kubogini qo'lga kiritdi. Bu g'alaba" Neftchi" klubida dovruqli futbolchilarning munosib o'rinbosarlari etishib chiqayotganligini tasdiqladi.
Yana bir quvonchli jihati shuki, "Neftchi" ning kelajagi porloq vakillaridan biri Mirjahon To'ychiboev kubok musobaqalarida raqiblar darvozasiga eng ko'p – 10 ta to'p kiritib, turnir to'purari nominaciyasining g'olibi deb topildi va yuksak mukofotga sazovor bo'ldi. Musobaqada faxrli 3-o'rin ham Farg'ona vakillariga nasib etdi. Bu mukofotni Farg'ona futbol mahorat maktabi jamoasi qabul qilib oldi.
SHu munosabat bilan "Neftchi" PFK rahbariyati, murabbiylar shtabi va ko'pming sonli muxlislari nomidan 2009 yilda tug'ilgan "Neftchi" BO'FM jamoasini O'zbekiston kubogini qo'lga kiritganligi bilan samimiy muborakbod etib, yosh futbolchilarimizga kelgusi musobaqalarda viloyatimiz sharafini munosib himoya qilib, yanada yuksak marralarni egallashlarini tilaymiz", – deya xabar berdi "Neftchi" matbuot xizmati
240982465473983520 
Bosh sahifaga
800
11 Iyul 2026, 12:42