Darvozabon Remsdeyl - "Arsenal" yangi lideri

"Arsenal" bitta relsga tushib oldi: 9 o'yindan beri yutqazmayapti (7 g'alaba, 2 durang) va hozir APLda 6-o'rinda bormoqda. 

10-tur doirasidagi "Lester"ga qarshi bahsda Arteta jamoasidan gollarni Gabriel Magalyaes va Emil Smit-Rou urdi – ammo uchrashuvning asosiy qahramoni London klubiga avgustda kelib qo'shilgan va tezda Bernd Lenoni zaxirada mixlab qo'ygan "Arsenal" posboni Aaron Remsdeyl bo'ldi.

23 yoshli kiper deyarli hamma zarbalarni qaytarishga erishdi – raqamlar buni yaqqol isbotlaydi.

- Remsdeyl Premer-ligada seyv namoyish qilish borasida shaxsiy rekordini o'rnatdi (8 ta!). Ulardan 4 tasi birinchi taymning o'ziga to'g'ri keldi – bu esa 2021/22 yilgi mavsumda APL darvozabonlari orasidagi eng yaxshi ko'rsatkich.

- "Arsenal" darvozasi tomon 6 o'yinchi zarba yo'lladi – ulardan hech biri angliyalikni xafa qila olmadi

Jonni Evans (1 marta)

Yuri Tilemans (1)

Xarvi Barns (3)

Jeyms Meddison (1)

Kelechi Ixeanacho (1)

Ademola Lukman (1)

- Eng mohirona seyv Meddisonning zarbasidan keyin kuzatildi – Remsdeyl tanaffus oldidan aql bovar qilmas mahoratini ko'rsatdi. Barchasini fotosuratlarda tomosha qilishingiz mumkin.

Holat mana bu rakursdan yanada hayratlanarli ko'rinadi

Bunday qutqaruvlarning klassik atributi – raqiblarning hayratda qolgan murabbiyi. Brendan Rodjers boshini ushlab oldi – u Evropa ligasida bunaqasini aniq ko'rmagan.

"Lester" murabbiyi o'yindan keyin Remsdeylni maqtadi: "U bir nechta ajoyib seyvlarni amalga oshirdi. Hakam to'p darvoza chizig'ini kesib o'tganini qayd etishini kutdik, ikki marta shunday holat bo'ldi. Darvozabon "Arsenal"ga "quruq" o'yin keltirdi".

Peter SHmeyxel Twitter'da buni "yil seyvi" deb atadi – "Manchester Yunayted" afsonasi "Arsenal" kiperini shu tariqa ruhlantirdi

- "Lester" ko'p ko'rsatkichlar bobida ustun edi, ammo "Arsenal" darvozaboni zarbalarni ustamonlik bilan qaytarib, o'yinning eng yaxshi futbolchisi nomiga sazovor chiqdi.

- Remsdyel ushbu mavsumda APL 7 o'yinida 4 ta "quruq" o'yin o'tkazdi – "Arsenal" u bilan 6 ta g'alabaga erishdi.

- Aaron APL joriy mavsumida 28 zarbadan 24 tasini to'sdi – 85,7% ishonchli o'yin. Liga darvozabonlari orasida faqat Eduar Mendi undan kuchli (89,7%).

O'yin tugagach, posbon tribuna tomon yuugurdi va muxlislardan biriga futbolka sovg'a qildi – u nafaqat qoyilmaqom seyvi bilan, balki qiymati yuqori hadya bilan ham quvonch bag'ishladi.

SHunday qilib, Aaron Remsdeyl "Arsenal" ishqibozlarining asosiy yoqimtoyiga aylandi.

Lester – Arsenal 0:2 

«King Pauer»

Gollar: 0:1 – 5 Gabriel, 0:2 – 18 Smit-Rou.

Lester – SHmeyxel, Kastan, Evans, Amarti (Barns, 46), Soyunju, Tomas, Tilemans, Meddison (Daka, 71), Sumare, Vardi, Ixeanacho (Lukman, 46).

Arsenal – Remsdeyl, Tomiyasu, Gabriel, Uayt, Nunu Tavaresh, Saka (Pepe, 85), Smit-Rou (Kolashinac, 90), Parti, Lokonga, Lyakazett (Edegor, 58), Obameyang.

Ogohlantirishlar: Evans (68), Vardi (75).

SHerzod Nurmatov tarjimasi