2019 yilda 4 mamlakat jamoalari (sharq mintaqasi) ishtirokida ilk mavsumi o'tgan turnir pandemiya tufayli 2020 yilda o'tkazilmadi. OFK turnir ishtirokchilari sonini 2021 yilda 8, 2023 yilga borib 12, 2025 yilda esa 16 taga chiqarishni reja qilgan.
2021 yilgi mavsum 7 noyabr kuni start oladi. Unda sharqiy mintaqa vakillari ishtirok etishdan bosh tortgani tufayli musobaqa g'olibi g'arbning 4 klubi o'rtasida aniqlanadi:
1. "Bunyodkor-W" (O'zbekiston)
2. “Sri Gokulam Kerala” (Hindiston)
3. “SHahrdari Sirjan” (Eron)
4. “Amman klub” (Iordaniya)
Barcha bahslar markazlashgan tarzda Iordaniyaning eng janubida joylashgan Aqaba shahrida 2021 yil 7-13 noyabr kunlari bo'lib o'tadi. Unda Oliy Liganing 2020 yilgi g'olibi sifatida "Bunyodkor" ayollar jamoasi yurtimiz sharafini himoya qiladi.
"Qaldirg'ochlar” ishtirokidagi uchrashuvlar taqvimi:
07.11. “SHahrdari Sirjan” (Eron) - “Bunyodkor”
10.11. “Bunyodkor” - “Amman klub” (Iordaniya)
13.11. “Bunyodkor” - “Sri Gokulam Kerala” (Hindiston)
Championat.asia'ga malum bo'lishicha, “Bunyodkor” jamoasining 37 kishidan iborat delegaciyasi (23 nafari futbolchilar) musobaqaga 3 noyabr kuni Toshkent-Istanbul-Amman-Aqaba marshruti bilan yo'l olishi rejalashtirilmoqda. Qaytish 14 noyabrga mo'ljallangan.
Malumot uchun, “Bunyodkor-W” o'zbek futboli tarixida ayollar o'rtasidagi Osiyo CHempionlar ligasida qatnashadigan yurtimizning birinchi jamoasi bo'ladi. Aqaba shahrida o'tadigan turnir haqidagi malumotlar va futbolchilar bilan intervyularni saytimiz orqali kuzatib boring!
"Ayollar odam emasmi?" (maqola)
Bosh sahifaga
769
13 Iyul 2026, 00:46