"Surxon" futbol klubini 2022 yili "top" klubga aylantirish hamda "Surxon" futbol arenasi o'yingohini jahon standartlariga to'la javob beradigan stadionga aylantirish (projektor, maydon chimi, o'rindiqlar va h.k) va "Surxon" futbol klubi qoshida futbol akademiyasi va bazasini qurish maqsadida IP OOO "Surhan Gas Chemical Operating Company"
Bosh direktori Ignatov Andrey Yurevich ("Surxon" futbol klubi 2022 yildagi bosh homiyi) boshchiligidagi katta guruh, Ispaniyalik futbol menejeri Xuan Manuel Barosso, O'zbekiston futbol associaciyasi birinchi vice-prezidenti Ravshan Ermatovlar tashrif buyurishdi.
Mehmonlarimiz tashrifni dastlab viloyat hokimi va "Surxon" futbol Prezidenti To'ra Bobolov bilan uchrashish bilan boshlashdi. Viloyat bosh jamoasi "Surxon" klubi infratuzilmasini yaxshilash borasida fikrlar almashildi.
SHundan so'ng, "Surxon" arena o'yingohiga tashrif buyurishdi. Stadiondagi mavjud kamchiliklar (projektor, maydon chimi, muxlislar o'rindiqlari) o'rganib chiqildi va tez orada bu kamchiliklar bartaraf etilishi takidlandi.
Stadion yon atrofidagi hududda "Surxon" futbol klubi futbolchilari istiqomat qilishi uchun yangi baza qurish loyihasi ishlab chiqildi va tez orada klub o'zining yangi bazasiga ega bo'lishi takidlandi.
Tashrif so'ngida mehmonlarimiz Surxondaryo viloyatida joylashgan Futbol mahorat maktabiga tashrif buyurishdi va u erdagi mavjud kamchiliklar bilan ham tanishib chiqishdi. Futbol mahorat maktabi va "Surxon" klubi bilan o'rtasida memorandum tuzilishiga kelishildi.
Andrey Yurevich boshchiligidagi katta guruh azolari Toshkentda "Paxtakor" jamoasiga qarshi o'yinga tayyorgarlik ko'rayotgan "Surxon" futbol klubi futbolchilari bilan uchrashish maqsadida Toshkent shahriga jo'nab ketishdi.
Bosh sahifaga
278
14 Iyul 2026, 08:24