Xususan Toshkentning “Paxtakor” jamoasi “Neftchi”ni qabul qildi. Qiziqarli kechgan o'yinda “sherlar” 3:2 hisobidagi g'alabani qo'lga kiritdi. Mazkur bellashuvdan so'ng “Paxtakor” futbolchisi Muhammad Zoirovning fikrlariga quloq tutdik.
“Bugun juda qiyin o'yinni o'tkazdik. G'alabaga ham osonlikcha erishganimiz yo'q. G'alaba qozongan bo'lsak-da, o'yin borasida qoniqish hosil qilmadik. CHunki o'z darajamizda o'ynay olmadik. To'g'risi, “Neftchi” ham yaxshi jamla ekan. Buni maydondagi harakatlari bilan namoyish eta oldi. Tan olish kerakki, “Neftchi”da ham ko'plab vaziyatlar yuzaga keldi.
Birinchi bo'limda kiritib olgan gollarimiz bizning g'alabamizga poydevor bo'la oldi deyish mumkin. Muhimi, uch ochko qo'lga kiritdik. Bundan juda xursandman.
To'g'rimi, mavsum avvalida tarkibimizda katta o'zgarishlar yuzaga keldi. SHunga qaramay, jamoamiz chempionlik uchun kurashadi. Bu yo'lda bizni jiddiy raqiblar kutib turgan bo'lsa-da, biz mavsum yakuniga qadar maqsadimizga erishish uchun kurashamiz”, - deya so'zini yakunladi Zoirov.
Bosh sahifaga
269
14 Iyul 2026, 13:03