"Yangier" - "Aral-Samali" (2:0) uchrashuvi haqida
- "Aral-Samali"ga qarshi bo'lib o'tgan o'yin haqida aytadigan bo'lsam, mavsumning so'ngi o'yinida havoning sovuqligiga qaramasdan bizni qo'llab-quvvatlash uchun stadionga kelgan muxlislarimizga minnatdorchilik bildiraman. Biz ular uchun o'ynashimiz va g'alaba qozonishimiz shart edi. Nukusliklar bilan juda qiziqarli va kurashlarga boy o'yin bo'ldi.
Ushbu uchrashuvning ikkinchi bo'limida zaxiradan o'yinga qo'shildim va gol urdim. Albatta, jamoamiz g'alabasi uchun o'z hissamni qo'shganimdan xursandman. Barcha muxlislarimizni yana bir bor g'alaba bilan tabriklayman.
- Faxriddin, ayni damda sizning "Dinamo" klubi bilan shartnomangiz mavjud. Samarqandliklar joriy mavsum yakunlariga ko'ra Superliga yo'llanmasiga ega chiqishdi. Kelgusidagi rejalaringiz qanday?
- Avvalo davralar oralig'ida meni o'z jamoasiga taklif qilgan "Yangier" bosh murabbiyi Bekzod Qodirqulov va murabbiylar shtabiga minnatdorchilik bildiraman. SHuningdek, mavsum davomida jamoani yolg'izlatib qo'ymagan va hamisha qo'llab-quvvatlab kelgan muxlislarimizga barchasi uchun rahmat aytaman.
Hozirda meni o'z jamoasida ko'rishni istagan 3-4 ta futbol klublaridan takliflar bor va endilikda ularni ko'rib chiqishga tayyorman.
Bosh sahifaga
110
