"Avvalo AGMK jamoasi murabbiyi Xayrulla Karimovning otalari olamdan o'tgani bois o'z taziyamni bildiraman. Joylari jannatdan bo'lsin. "Bunyodkor" ayollar jamoasi kuni kecha Iordaniyaga yo'l olishdi. Ularga chin dildin omad tilayman. Ilohim, g'alaba bilan ortga qaytishsin. SHu qatori "Nasaf" jamoasiga ham omad tilayman. To'g'ri, Superligada raqib, lekin OFK kubogida butun O'zbekiston nomidan ketishgan. Bevosita o'yinga keladigan bo'lsak, har doimgidek, shiddatdli o'yin guvohiga aylandik. O'ylaymanki, g'alabaga loyiq edik. "Qizilqum"ga navbatdagi bahslarda zafarlar tilab qolaman", – deydi SHuhrat Maqsudov.
- "Bunyodkor" bu mavsum Toshkentdagi o'yinlarda mag'lubiyatga uchragani yo'q. Navbatdagi ikki o'yinda g'alaba qozona olsa, uyda mag'lubiyatga uchramasdan, mavsumni tugatishi mumkin. SHu haqda fikringiz qanday?
- Oldindan biror narsa deya olmayman. "Bunyodkor" jamoasi muxlislarga chiroyli o'yin va g'alaba taqdim qilishni istaydi. Yana bir bor futbolchilarimga minnatdorchilik bildiraman. Hech narsaga qaramay, oxirigacha kurashganliklari uchun rahmat aytaman.
Bosh sahifaga
209
