La Liga. "Real" Madrid derbisida g'alaba qozondi va endi "Barsa" bilan farq 10 ochko

Ushbu sahifada jamoalarning matnli translyaciyasini kuzatib borishingiz mumkin bo'ldi.

YANGILASH

SHu tariqa, Madrid derbisida g'alaba qozongan "Real" navbatdagi uch ochkoni qo'lga kiritdi.

90+4-daqiqa. O'zgarish amalga oshirilgani uchun hakam yana bir daqiqa o'ynashga berdi, ammo mezbonlar qiyinchilik bilan bo'lsada, g'alabani saqlab qolishdi.

Qiziq bir ko'rsatkich, zarbalar bo'yicha hisob 14 - 14.  

90+3-daqiqa. O'zgarish! Karvaxal o'rnini Nachoga bo'shatib berdi.  

90+1-daqiqa. Ketma-ket ikki marta to'p darvozasiga kirib ketayotgandi... Kurtua ilojsiz qolgan vaziyatda Kroos chiziq oldidan to'pni tepib yubordi, ikkinchi vaziyatda esa Tibo qo'llari bilan xavfni bartaraf etdi.  

90-daqiqa. Ikkinchi bo'limga 3 daqiqa qo'shib berildi. 

90-daqiqa. Azar yana faollik ko'rsatdi, uning uzatmasidan keyin Kroos zarba yo'llashi mumkin edi, lekin germaniyalik qulayroq nuqtaga chiqaman deb to'pni oldirdi.  

88-daqiqa. Kamavinga to'pni raqibidan olib qo'ydi, Azar qarshilikka uchraganiga qaramay, bir raqibini aldab o'tdi va to'pni saqlab qoldi, lekin Kroosning uzatmasidan keyin Lukas Vaskes o'ralashib qolib, to'pni yo'qotdi.   

Bugungi uchrashuvni bevosita stadiondan 43283 muxlis tomosha qilmoqda. 

86-daqiqa. Jarima maydonchasi chizig'i ustida to'pni qabul qilgan Kamavinga bir aylanib zarba yo'llashga muvaffaq bo'ldi, ammo to'p to'g'ri Dimitrievski qo'liga bordi. 

85-daqiqa. To'p bilan yana "Real". 

84-daqiqa. Kazemironing uzatmasidan keyin hozirgina o'yinga qo'shilgan Azar bosh bilan gol urishi mumkin edi.  

83-daqiqa. O'zgarishlar! Asensio va Benzema o'rniga Eden Azar va Lukas Vaskes tushirildi.    

80-daqiqa. O'zgarishlar! Falkao o'yinni davom ettirolmasligi aniq bo'ldi. Falkao va Esteban Savelich uchun o'yin yakuniga etdi. Serxio Gvardiola va Xose Anxel Poso maydonga tushirildi.  

SHifokorlar kolumbiyalik futbolchiga yordam ko'rsatishmoqda. 

79-daqiqa. Falkao og'riq sabab maydonda o'tirib qoldi, shu sabab Kroos to'pni maydon tashqarisiga tepib yubordi. 

Bizni endi shiddatli so'nggi daqiqalar kutib turibdi. 

76-daqiqa. GOOOOOOOOL! Falkao oradagi farqni qisqartirdi. Bu vaziyatda to'p Alabaning oyog'iga tegishi Kurtuani biroz chalg'itgani ham bor gap. Biroq Radamelga qoyil qolmay iloj yo'q. 

75-daqiqa. Avvaliga "Real" yaxshi vaziyatga ega bo'lishi mumkindek edi, lekin to'pni olib qo'ygan mehmonlar hujumga oshiqishdi, Bebe raqiblarini chalg'itib, zarba yo'lladi va faqatgina darvoza ustuni gol bo'lishiga yo'l qo'ymadi.  

73-daqiqa. "Rayo Valekano" to'pni nazorat qilib, vaziyat yaratish uchun fursat poylamoqda.  

71-daqiqa. Karvaxal amalda yo'q joydan Marko Asensioga vaziyat yaratib berdi, ammo ispaniyalik yarim himoyachining zarbasiga aniqlik etishmadi.  

70-daqiqa. Mehmonlar burchak zarbasi ishlab olishmoqda. Himoyaga yordamga kelgan Benzema to'pni uzoqlashtirdi.  

69-daqiqa. O'zgarish! Rendi Nteka o'rniga Falkao o'yinga qo'shildi.  

68-daqiqa. Ogohlantirish! Santi Komesanya Kamavingaga nisbatan qo'pol harakat qilgani uchun ogohlantirildi. 

Radamel Falkao maydonga tushishga tayyor va murabbiydan so'nggi ko'rsatmalarni eshitmoqda. 

67-daqiqa. Mehmonlar hali umidlarini uzishganicha yo'q. Hozir zaxiradan o'yinga qo'shilgan Bebe uzoq masofadan zarba berib ko'rdi, Kurtua o'z o'rnida.    

66-daqiqa. Bugun ancha tetik va chiroyli futbol ko'rsatayotgan "Real"ning navbatdagi urinishi gol bo'lishiga darvozabonning faolligi imkon qoldirmadi.  

63-daqiqa. Kamavinga qanotda Garsiyani oldinga o'tkazmadi.  

62-daqiqa. Vinisius-Mendi-Benzema kombinaciyasini Karim aylanma zarba bilan yakunlamoqchi bo'ldi, biroz noaniq. Bu vaziyatda futbolchilarning harakatlari, chiroyli uzatmalarini alohida qady etish lozim.   

60-daqiqa. O'zgarishlar! Isaak Palason va Oskar Trexo o'rniga Unai Lopes hamda Bebe o'yinga qo'shildi. 

59-daqiqa. "Rayo" hujumini o'ng qanotdan rivojlantirdi va oxirgi