U 2008-2009 yilda tug'ilgan bolalar o'rtasidagi Samarqand viloyat chempionatining "qog'ozda" o'tkazilgani va davlatga qarashli futbol maktablari natijalari "ko'tarib" ko'rsatilganidan norozi bo'lgan.
Darhaqiqat, Samarqand FA telegram kanalida elon qilingan yakuniy turnir jadvali odamni juda ajablantirib, Norbo'taevning so'zlari to'g'riligiga ishora qiladi. SHu tufayli o'rtada yuzaga kelgan savollarga viloayat associaciyasining Bolalar futboli bo'limiga masul Muzaffar Ismatovdan javob oldik.
1. Bazi ota-onalar chempionat oxirigacha ishtirok etamagan jamoalar ham yakuniy jadvalga qo'shilib, davlatga qarashli futbol maktablarining natijasi "ko'tarib" ko'rsatilganidan shikoyat qilmoqda.
Javob: 8-turgacha chempionatimiz ajoyib tarzda o'tayotgan edi. Karantin kuchaytirilgan davrdan keyin jamoalar birin-ketin chiqib keta boshladi. Reglamenta ko'ra, mavsumning 50% o'yinlarini o'tkazib bo'lgan jamoaning natijalari bekor qilinmaydi. Aksincha, qolgan o'yinlarda texnik mag'lubiyat yoziladi. Bolalar futbol o'ynayman deb tursa, ularni qaytarib yubora olmaymiz. CHempionat oxirigacha ishtirok etmagan jamoalarning "ota-onalari" qoidalar bilan yaxshiroq tanishishlari kerak. 2 ta o'yinga kelmagan jamoa, 3-siga keladi.
2. 17 jamoa ishtirok etgan musobaqaning formatiga ko'ra 1 mavsumda 128 ta uchrashuv o'tishi kerak. Jadvaldagi mag'lubiyatlar ustuni esa 136 tani ko'rsatyapti (Umumiy o'yinlar sonidan 8 ta ko'proq).
Javob: Yuqorida o'yinga kelmagan jamoalarga texnik mag'lubiyat yozilishi haqida aytdim. SHunday o'yinlar bo'ldiki, har 2 tomon bahsga kelmadi. SHunday holatlarda ikkala tomonga ham mag'lubiyat yozilgani tufayli jadvalda tushunmovchilik yuzaga keldi.
3. Musobaqada 1-o'rinni egallagan "Akademiya-2008" jamoasi 100 foizlik natija bilan barcha o'yinlari yutgani aytilgan. Lekin 23 avgust kuni elon qilingan jadvalda mazkur jamoa bir bor mag'lub bo'lganini ko'rishimiz mumkin.
Javob: Bu holatga aniqlik kiritdik. Etibor qilsangiz, chempionatda akademiyaning 2 yosh toifasidagi jamoasi qatnashdi. Avgust oyidagi jadvalda 2009 yillarning mag'lubiyati 2008'larga ketib qolgan. Keyinchalik bu xato bartaraf qilindi. "Akademiya-2008" musobaqadagi barcha uchrashuvlarni yutgan.
4. Musobaqada urilgan gollarning umumiy soni o'tkazib yuborilganlar ustunidagi bilan bir xil bo'ladi. Lekin jadvalda tafovut bor: 231 - 219.
Javob: Menimcha, o'sha jadvalni tayyorlagan grafik dizayner raqamlarni chalkashtirib yuborgan bo'lishi mumkin. Bu holatni o'rganib, xatolarni bartaraf qilamiz va yakuniy jadvalni elon qilamiz.
5. Futbolni 2 jamoa o'ynagani bois jadvalidagi duranglar qatorida hech qachon toq raqam turmaydi. Samarqand FA elon qilgan jadval turnirda 17 ta durang qayd etilganini ko'rsatyapti.
Javob: Yuqorida aytganimdek, jadvalni tayyorlagan xodimimiz raqamlarni chalkashtirib yuborgan bo'lishi mumkin. Ertagayoq barcha xatoliklarni bartaraf qilib, bayonot beramiz.
Bizning eshiklarimiz barcha uchun ochiq, hamma bilan muloqotga tayyormiz. Istalagan ota-ona yoki murabbiy kelsa, to'g'ri tushuntirish berar edik. Barcha uchrashuvlarning protokollari bor.
Xullas, yuqoridagi jadval bo'yicha yana bir talay savollar bor. Umid qilamizki, masullar tez orada bu bo'yicha rasmiy bayonot berib, mavzuni yopishadi.
Maqola→ CHeran "Navbahor" va "Nurafshon"ni "sevadi"
Bosh sahifaga
270
Bugun, 08:06